Tengiliður
Katrín Hulda Gunnarsdóttir
Verkefnastjóri
katrinh@matis.is
Þann fyrsta maí síðastliðinn hófst Evrópuverkefnið MeCCAM formlega (Measures for Climate Change Adaptation and Mitigation in European Fisheries).
MeCCAM er brautryðjandi Evrópuverkefni sem hefur það að markmiði að þróa mótvægis og aðlögunaraðgerðir gagnvart áhrifum loftslagsbreytinga á sjávarútveg Evrópu. Verkefnið er til fjögurra ára og er stýrt af færeyska fyrirtækinu Sjókovin. Verkefnið samanstendur af 16 þátttakendum frá 9 löndum og er fjármagnað af Horizonáætlun Evrópusambandsins fyrir samtals 4,5 milljónir Evra.
Upphafsfundur MeCCAM fór fram í Þórshöfn í Færeyjum þar sem þátttakendur eyddu saman þremur dögum. Á fundinum voru næstu skref skipulögð og innleiðing MeCCAM rædd. Augljóst var á þessum upphafsfundi að MeCCAM byggir á sterku samstarfi en það að leiða saman hagsmunaaðila úr iðnaði, vísindum og stefnumótun tryggir að niðurstöður verkefnisins séu bæði hagnýtar og áhrifamiklar.
Niðurstöður verkefnisins verða m.a. á eftirfarandi sviðum:
Sjálfbær sjávarútvegur í breyttu loftslagi
Lausnir sem þróaðar verða í MeCCAM eru m.a. á sviði veiðarfæra og ákvarðanatöku (e. decision support tool), en þær geta dregið úr umhverfisáhrifum, eldsneytisnotkun og bætt veiðiáætlanir, samtímis því að tryggja hagkvæmni. Smáforrit sem skráir afla mun auðvelda veiðimönnum að bregðast við þeim rauntímabreytingum í útbreiðslu tegunda sem hlýnun sjávar getur valdið.
Betri ákvarðanartaka byggð á vísindum
Stafræn nýsköpun er lykilatriði í MeCCAM. Verkefnið mun kanna áhrif forrits sem ætlað er að meta umhverfisáhrif og skila nýjum verkfærum sem byggja á gögnum og venjum og styður við loftslagsþolna ákvarðanatöku í allri virðiskeðju sjávarútvegsins.
Sex hafsvæði rannsökuð víðsvegar í Evrópu
Lausnir MeCCAM verða innleiddar á sex rannsóknarsvæðum sem valdar voru til þess að enduspegla þær fjölbreyttu áskoranir sem sjávarútvegur í Evrópu stendur frammi fyrir – frá stórum uppsjávar og botnsjávar flotum, niður í smáútgerðir. Hvert rannsóknarsvæði mun prófa ákveðnar lausnir og verkfæri, sem á að tryggja að þær séu yfirfæranlegar á milli svæða.
Vegna vaxandi ógnar af völdum loftslagsbreytinga fyrir viskterfi sjávar og strandsamfélög, er MeCCAM tímabært og mikilvægt skref í átt að sjálfbærri framtíð evrópsks sjávarútvegs.
Nánari upplýsingar um verkefnið má finna hér.
Forsíðumynd: Sjókovin
MeCCAM is funded by the European Union under Grant Agreement N° 101181571. Views and opinions expressed are however those of the author(s) only and do not necessarily reflect those of the European Union or REA. Neither the European Union nor REA can be held responsible for them.