Matarsmiðja er það kallað þegar útbúin hefur verið aðstaða til fjölbreyttrar matvælavinnslu. Aðstaðan getur verið mismunandi frá einni smiðju til annarrar, en sammerkt með þeim öllum er að til staðar er fjölbreytt úrval matvinnslutækja og áhalda og önnur aðstaða sem vinnslan krefst. Notendur fá kennslu á tækin og frjálsan aðgang til framleiðslu á þeim vörum sem gerlegt er m.t.t. aðstöðu og tækjabúnaðar og útgefnu leyfi heilbrigðisyfirvalda.
Í matarsmiðju Matís eru reglulega haldin námskeið um framleiðslu og verkun ýmissa framleiðsluvara auk námskeiða um innra eftirlit. Þess er krafist, að hálfu hins opinbera, að áður en hafist er handa við sölu eða dreifingu matvæla, skuli þar til bær yfirvöld veita til þess leyfi.
Tilraunaeldhús | Matarsmiðja
Í tilraunaeldhúsinu hjá Matís, sem er hluti af Matarsmiðju Matís, má finna hin ýmsu áhöld sem nauðsynleg eru fyrir starfsemina sem þar fer fram.
Tækjabúnaður
- Blásturs-/gufu-/steikingarofn
- Hobart hrærivél 20L
- Kitchen Aid heimilishrærivél
- Kitchen Aid pastavél
- Eldavél og lausar eldunarhellur
- Steikingarpanna
- Lítil hrærivél
- Safapressa/djúsvél
- Stór blandari
- Pottar
- Pönnur
- Uppþvottavél
Matvælavinnsla í Matarsmiðju
Í matvælavinnslu Matís, sem er hluti af Matarsmiðjunni, skiptast svæðin í móttökusal, vinnslusal, tækjasal, þurrrými, hitunarrými, pökkunarrými og tilraunaeldhús ásamt þeim geymslum, kælum og frystum sem þessum rýmum tilheyra. Við vinnu í þessum rýmum þarf að klæðast viðeigandi vinnufatnaði og viðhafa þau vinnubrögð í umgengni og hreinlæti sem aðstæður krefjast. Einnota samfestingar, skóhlífar og hárnet eru geymd í fatahengi við salerni við inngang í vinnslurými.
Tækjabúnaður
- Í móttökusal er vog, bandsög og færanlegt vinnuborð. Hægt er að kæla vinnslurýmið og þar eru tveir kælar.
- Í vinnslusal eru suðupottar 110 og 240L, 20L farsvél, hakkavél, pylsustoppari ofl. 5L mixer, vog, vinnuborð, skurðarhnífar og laus skurðarbretti og uppþvottavél. Möguleiki er á að setja upp eldavélahellur og bakstursofn. Hægt er að kæla vinnslurýmið.
- Inn af vinnslusal er ræstigeymsla með rekstrarvörum til þrifa á matvælavinnslunni.
- Í tækjasal er aðgengi að hraðfrysti/hraðkæli.
- Inn af tækjasal er pökkunarrými, með tveimur pökkunarvélum til lofttæmingar umbúða.
- Aðgengi er að kælum og geymslu frystum -18°C og -24°C.
Vilt þú nýta þér aðstöðu matarsmiðjunnar?
Nánari upplýsingar:
- Bæklingur um Matarsmiðju Matís fyrir frumkvöðla og smáframleiðendur íslenska (enska)
- Frekari upplýsingar um Matarsmiðjuna er hægt að nálgast í eftirfarandi myndbandi.
- Áhugasömum er einnig bent á fundinn Sprotar og vöruþróun. Hvernig getur Matís aðstoðað?
Hér má finna lista yfir nokkra aðila sem hafa nýtt sér matarsmiðjuna hjá Matís:
- Ástrík Gourmet Poppkorn – Ásthildur Björgvinsdóttir
- Cooking Harmony – Eva Rún Jensdóttir
- Feel Iceland – Hrönn Margrét Magnúsdóttir og Kristín Ýr Pétursdóttir
- Klakavinnslan – Daníel Jón Jónsson og Fannar Alexander Arason
- Kombucha Iceland – Ragna Björk Guðbrandsdóttir og Manuel Plasenica Gutierrez
- Lava Cheese – Guðmundur Páll Líndal og Jóhann Már Helgason
- Smári‘s Volcano Sauce – Eggert Smári Sigurðsson
- Sælkerasinnep Svövu eða SVAVA The Icelandic mustard lady – Svava