Eitt af mikilvægustu verkefnum líftækninnar í dag er að þróa hagkvæma framleiðslu á verðmætum efnum úr ódýrum lífmassa.
Margar hitakærar örverur geta brotið niður margvíslegar fjölsykrur úr plöntum og þörungum á skilvirkan hátt og gerjað og nýtt niðurbrotsykrurnar.
Markmið verkefnisins Macroalgal biorefinery var að nýta hitakærar bakteríur af ættkvíslinni Thermoanaerobacterium til þess að umbreyta niðurbrotsafurðum þangsykra í verðmætt efni:1,2-própandíól sem notað er sem grunnefni t.d. við framleiðslu margvíslegra niðurbrjótanlegra fjölliðuefna.
