Tengiliður
Rósa Jónsdóttir
Fagstjóri
rosa.jonsdottir@matis.is
Í Evrópu eru stórþörungar oft vannýttur lífmassi sem nota má á sjálfbæran hátt til verðmætasköpunar. Verkefnið MINERVA miðar að því að auka nýtingu stórþörunga sem framleiddir eru á sjálfbæran hátt, bæta nýtingu þeirra og þróa nýjar verðmætar vörur.
Áhersla er lögð á tvær tegundir brúnþörunga, þ.e. klóþang (Ascophyllum nodosum) og beltisþara (Saccharina latissima) en auk þess verða fleiri tegundir rannsakaðar eins og marinkjarni (Alaria esculenta) og söl (Palmaria palmata).
Markmiðið er að þróa ný og umhverfisvæn innihaldsefni úr þörungum til að nota í matvæli, snyrtivörur, líftækni og fiskeldi. Þessum markmiðum verður náð með
- Þróun á nýjum útdráttaraðferðum til að einangra og hreinsa lífvirk efni úr stórþörungum og
- Rannsóknum á sjávarörverum með „omics“aðferðum til að þróa ný ensím fyrir vinnslu á sjávarlífmassa.
MINERVA er styrkt af ERA-NET Cofund Blue Bioeconomy og er samstarfsverkefni fyrirtækja, háskóla og rannsóknafyrirtækja á Írlandi, Íslandi og í Svíþjóð.
Nánari upplýsingar má finna á vefsíðu verkefnisins: MINERVA
