Markmið verkefnisins Marikat er að þróa ensím fyrir vinnslu lífefna úr sjávarfangi.
Þang og þari innihalda mikið af sykruefnum með margvíslega lífvirkni.
Sykrurnar eru frábrugðnar sykrum sem finnast í landplöntum og ennþá vantar ensím tól til að auðvelda vinnslu þeirra úr þangi og umbreytingu í verðmæt efni.
Í verkefninu verða þróuð ýmis konar ensím til þess að vinna lífvirkar smásykrur, sjaldgæfar sykrur, fjölfenól og yfirborðsvirk efni úr þangi. Markað fyrir slík efni má finna hjá matvæla- lyfja- og snyrtivöruiðnaði.
