Tengiliður
Sophie Jensen
Verkefnastjóri
sophie.jensen@matis.is
Matvælaiðnaðurinn stendur frammi fyrir miklum áskorunum, sem knúnar eru áfram af þörfum samfélagsins og umhverfissjónarmiðum.
Hröð fólksfjölgun ýtir matvælaframleiðslu í átt að þolmörkum og nýting á próteinum úr dýraríkinu veldur auknu álagi á umhverfið. Þar að auki þarf að bæta úrval af plöntupróteinum sem eru minna háð notkun vatns og landsvæðis. Það er brýn þörf á að þróa fleiri próteinríkar matvörur sem innihalda mikilvæg næringarefni með því að nýta óhefðbundnar auðlindir. Sjónum hefur verið í auknu mæli beint að stórþörungum en þeir hafa fram til þessa verið fremur lítið rannsakaðir sem matvæli.
Í þessu verkefni stefnum við að því að nýta stórþörunga sem sjálfbæran próteingjafa í matvæli. Hagnýting og næringarinnihald stórþörunga verður rannsakað með það fyrir augum að bæta næringarlega samsetningu matvæla með áherslu á bætta heilsu neytenda. Enn fremur er markmiðið að fullnýta sem mest af hráefninu í matvæli og annað í lífrænar matvælaumbúðir.
Nánari upplýsingar um verkefnið má finna á vefsíðunni SeaFoodture.eu