Námskeið á vegum Norrænu matvælarannsóknarnefndarinnar 26. maí 2011.
Námskeiðið er ætlað starfsmönnum á rannsóknastofum, gæðastjórum og öllum þeim sem kaupa efnagreiningarþjónustu. Viðmiðunarefni eru notuð við allar tegundir efnagreininga og er aðferðafræði við notkun þeirra sú sama óháð viðfangsefni hverju sinni.
Leiðbeinandi: Lars Jorhem, National Food Administration, Uppsala, Sweden. Hann mun ferðast um öll Norðurlöndin og halda námskeiðið. Á Íslandi verður námskeiðið haldið á ensku.
Staður og dagsetning: Fimmtudagurinn 26. maí 2011 á Nýsköpunarmiðstöð Íslands (austurhús) Tímasetning: 10:00 – 16:00 (skráning frá kl 09.30)
Á námskeiðinu verður fjallað um eftirtalin atriði:
Reference Materials (RMs) versus Certified Reference Materials (CRMs): What is the difference?
ISO Guides and CRMs, EU legislation, CODEX requirements
Interlaboratory studies: Differences and similarities between certification, validation and proficiency testing
How are CRMs made?
Recovery and bias: Relation to CRMs
Selection, use and misuse of CRMs
Estimation of bias using NMKL Procedure No. 9 (2007)
A short introduction to measurement uncertainty
Where to find CRMs and PT programmes?
Skráning fer fram í gegnum Norrænu mavælarannsóknarnefndina og óskast sendar á netfangið:nmkl@vetinst.nofyrir þriðjudaginn 10. maí. Námskeiðið kostar 2000 NOK og greiðist upphæðin beint til Norrænu Matvælarannsóknarnefndarinnar. Innifalið í námskeiðsgjaldi: Hádegismatur, kaffi og námskeiðsgögn.
Tengiliður vegna námskeiðs á Íslandi er Guðjón Atli Auðunsson, netfang: gudjonatli@nmi.is
Þörungar eru mikilvægur hluti af matarræði almennings í mörgum löndum Asíu. Notkun þeirra í matargerð hefur hinsvegar ekki náð fótfestu á vesturlöndum nema að litlu leyti.
Fræðslufundur félagsins Matur-saga-menning í samvinnu við Nýpuhyrnu, Ólafsdalsfélagið og ReykjavíkurAkademíuna
Ný norræn matargerð – enduruppgötvun þörunga Fimmtudaginn 28. apríl n.k. heldur Ole G. Mouritsen prófessor við Syddansk Universitet opinn fyrirlestur um nýtingu þörunga í matargerð.
Þörungar eru mikilvægur hluti af matarræði almennings í mörgum löndum Asíu. Notkun þeirra í matargerð hefur hinsvegar ekki náð fótfestu á vesturlöndum nema að litlu leyti.
Þörungar geta verið afbragðs matvæli, bragðgóð, stútfull af mikilvægum steinefnum, snefilefnum, vítamínum, próteinum, joði og heilsusamlegum fjölómettuðum fitusýrum. Þar að auki innihalda þörungar gnótt af trefjum og þar af leiðandi fáar hitaeiningar. Þörungar munu án efa verða stærri hluti af matarræði okkar í framtíðinni. Það sem er ekki síður mikilvægt er að þetta “sjávargrænmeti” getur hjálpað okkur að endurnýja og ná jafnvægi í matarræði okkar til að vinna á móti aukningu í lífstílstengdum sjúkdómum, einkum hjarta- og æðasjúkdómum, krabbameini, offitu auk geðsjúkdómum.
Ole G. Mouritsen, er höfundur bóka um matargerðalist og vísindin á bak við hana. Rannsóknir hans tengjast breiðu sviði grunnvísinda og nýtingu þeirra í líftækni og líflæknisfræði. Hann er virtur félagi í danska vísindasamfélaginu og hefur hlotnast fjöldi af virtum verðlaunum fyrir verk sín.
Fyrirlesturinn verður í sal Norræna Hússins, kjallara,fimmtudag 28. apríl 2011 kl. 19:30.
Sjávarútvegssýningin fer fram 3.-5. maí næstkomandi. Fjöldi íslenskra fyrirtækja verða á sýningunni þar á meðal DIS, Maritech, 3X, HB-Grandi, Marel, Promens og Matís svo fáein séu nafngreind.
Sýningin er sú stærsta sinnar tegundar í heiminum og er þessi vettvangur mikilvægur mörgum íslenskum fyrirtækjum til að færa út kvíarnar og auka samstarf.
Notkun á innlendu korni til manneldis hefur aukist verulega á síðustu árum. Þessi þróun kallar á stöðug gæði kornsins og bæði kaupendur og seljendur hafi lýsingar á gæðakröfum til að styðjast við.
Hjá Matís og Landbúnaðarháskóla Íslands hafa verið unnin verkefni til að auðvelda nýtingu á innlenda korninu til manneldis og hefur Framleiðnisjóður landbúnaðarins styrkt þessi verkefni. Teknar hafa verið saman gæðakröfur fyrir matbygg og bygg til ölgerðar. Í þeim er lýst lágmarkskröfum til þroska byggsins, þurrkunar, hreinsunar, efnainnihalds og örvera. Gæðakröfunum er ætlað að vera viðmiðun í viðskiptum með bygg til matvælaframleiðslu. Mismunandi kröfur eru settar fram um matbygg og bygg til ölgerðar.
Gæðakröfurnar í heild sinni má finna hér (pdf-skjal).
Fjölbreytt úrval er af byggvörum á Íslandi sem framleiddar eru úr íslensku byggi.
Samtök íslenskra líftæknifyrirtækja og Samtök iðnaðarins efna til málstofu um erfðatækni, notagildi og möguleika til atvinnusköpunar.
Grand Hótel Reykjavík 27. apríl kl. 9.00 – 12.00
Fundurinn er opinn og aðgangur ókeypis. Skráning á www.si.is
Dagskrá: Upphaf erfðatækninnar –Guðmundur Eggertsson, Háskóla Íslands Plöntukynbætur í fortíð, nútíð og framtíð-Áslaug Helgadóttir, Landbúnaðarháskóli Íslands Erfðatækni í matvælaframleiðslu –Helga M. Pálsdóttir, Matvælastofnun Erfðatækni í lyfjaframleiðslu –Einar Mäntylä, ORF Líftækni Erfðatækni sem rannsóknatæki –Ólafur S. Andrésson, Háskóla Íslands Erfðatækni og umhverfi –Arnar Pálsson, Háskóla Íslands
Pallborð
Fundarstjóri: Þorsteinn G. Gunnarsson, KOM almannatengsl
Fyrir stuttu lauk ráðstefnu um innlend hráefni til notkunar í fiskeldi. Margt merkilegt kom fram á þessari ráðstefnu og eigum við Íslendingar mikil tækifæri í að stórauka fiskeldi með áherslu á notkun staðbundinna hráefna til fóðurgerðar. Fyrirlestrarnir eru nú aðgengilegir á www.matis.is.
Fiskeldi hefur verið að eflast hérlendis og er fyrirsjáanleg mikil aukning á komandi misserum, bæði hjá núverandi framleiðendum og nýjum fyrirtækjum sem eru að hasla sér völl á þessu sviði. Þá eru nokkur stór nýsköpunarverkefni í vinnslu þar sem hugað er að tækifærum fyrir nýjar tegundir og nýjar framleiðsluaðferðir.
Fóður er stærsti rekstrarkostnaðarliðurinn í fiskeldi eða almennt um 50-70% og er mikill hluti af hráefni í fóður innflutt. Til að gera fiskeldi sjálfbært er mikilvægt að efla innlenda framleiðslu á fóðurhráefnum og styrkja þannig stoðir undir rekstur fiskeldisstöðva og tengdra greina. Matís ohf. hefur í samstarfi við fyrirtækið Íslensk matorka ehf. tekið saman upplýsingar um möguleika á að nýta í fiskeldisfóður innlent hráefni sem fellur til í landbúnaði og sjávarútvegi og er illa nýtt eða jafnvel urðað. Auk þess er stefnt að því að efla þverfaglegt samstarf atvinnugreina og rannsóknastofnana sem getur leitt til þess að hægt sé að stórauka fiskeldi með áherslu á notkun staðbundinna hráefna til fóðurgerðar. Við það mun verðmætasköpun í landbúnaði aukast með bættri nýtingu á ræktunarlandi og atvinnusköpun í sveitum landsins. Lögð er áhersla á að greina næringarefnainnihald í ýmsum aukaafurðum sem falla til í landbúnaði og sjávarútvegi og möguleika á nýtingu þeirra til fóðurgerðar fyrir fiskeldi. Einnig er horft til möguleika á að rækta hráefni sérstaklega fyrir fóður og þannig nýta land og vinnuafl til sveita á Íslandi. Horft er til þess að hráefnin nýtist almennt til fiskeldis og er samantektin ekki bundin við einstakar tegundir.
Ragnheiður Þórarinsdóttir, Íslensk Matorka, í púlti
Smelltu á heiti fyrirlesturins til að skoða 13:00 -13:10 Setning – Jón Bjarnason, sjávarútvegs – og landbúnaðarráðherra 13:10 -13:35Miljø – effektiv fiskeproduktion – Alfred Jochumsen, DTU-Akva Danmörku 13:35 -13:50 Þróun nýrra fiskifóðurhráefna í Svíþjóð: kræklinga- og oksveppamjöl – Björn Þrándur Björnsson, Háskólinn í Gautaborg 13:50 -14:05Grænn lífrænn úrgangur – Ásbjörn Jónsson, Matís 14:05 -14:20Framleiðsla hryggleysingja – Jón S. Ólafsson, Veiðimálastofnun 14:20 -14:35Örverur – Arnþór Ævarsson, Prokatin / Jakob Kristjánsson, Prokazyme 14:35 -15:10 Kaffi 15:10 -15:25Repja – Jón Bernódusson, Siglingastofnun / Ólafur Eggertsson, Þorvaldseyri 15:25 -15:40Margt smátt gerir eitt stórt: eru svifþörungar orkuboltar aldarinnar? – Erla Björk Örnólfsdóttir, Vör Sjávarrannsóknasetur 15:40 -15:55Aðrir möguleikar – Ólafur I. Sigurgeirsson, Háskólinn á Hólum 15:55 -16:10Virði hráefna – Jón Árnason, Matís 16:10 -16:50 Umræður/pallborð – Rannveig Björnsdóttir (Matís) stýrir. Fulltrúar fóðurframleiðenda, Björn Þrándur Björnsson (Háskólinn í Gautaborg), Alfred Jochumsen (DTU-Akva), Sveinbjörn Oddsson (Íslensk Matorka), Björn Björnsson (Hafró), Helgi Thorarensen (Háskólinn á Hólum). 16:50 -17:00 Samantekt og fundarslit
Nú rétt í þessu lauk fundi um líftækniiðnaðinn en fundurinn fór fram í húsakynnum Matís að Vínlandsleið 12 í Reykjavík. Alls sóttu fundinn vel á annað hundrað manns og komu fram mikilvægar um allt sem tengist þessum arðbæra en þó ögrandi iðnaði.
Mikill uppgangur er í líftækni og tengdum greinum á Íslandi og vilja margir meina að vaxtarbroddar framtíðarinnar liggi þar. Matís er í góðum tengslum við líftækniiðnaðinn og eru t.a.m. mörg verkefna Matís unnin í samstarfi við fyrirtæki þar.
Nú þótti okkur góður tími til að kynna stöðu mála, framtíðarsýn og afrakstur síðustu ára. Á fundinum voru erindi frá fyrirtækjum ásamt erindum frá Matís og HÍ.
Í kjölfar fundarins var gestum boðið að skoða húsnæði að Vínlandsleið 14 en þar hafa nokkur fyrirtæki, sem eru í nánu samstarfi við Matís, komið sér fyrir og var um formlega opnun að ræða á þeim hluta hússins.
Hér fyrir neðan má sjá hvernig dagskrá fundarins leit út og ef smellt er á heiti flestra fyrirlestrana opnast pdf skjal með fyrirlestrinum.
Klipp á borða! F.v: Eydís Arnviðarsdóttir, Friðrik Friðriksson, Hörður G. Kristinsson, Sveinn Margeirsson, Guðlaug Þ. Marinósdóttir
Fundarstjóri var Hörður G. Kristinsson, rannsóknastjóri Matís og sviðsstjóri Líftækni og lífefnasviðs. Þórir Bergsson, meistarakokkur Matís, bauð fundargestum upp á girnilegan morgunverð.
Morgunverðarfundur hjá Matís fim. 14. apríl kl. 08:30 um líftækni og tengdar greinar og framtíðarmöguleika okkar í þessum arðbæra iðnaði.
Mikill uppgangur er í líftækni og tengdum greinum á Íslandi og vilja margir meina að vaxtarbroddar framtíðarinnar liggi þar. Matís er í góðum tengslum við líftækniiðnaðinn og eru t.a.m. mörg verkefna Matís unnin í samstarfi við fyrirtæki þar.
Nú er góður tími til að kynna stöðu mála, framtíðarsýn og afrakstur síðustu ára. Á fundinum verða erindi frá fyrirtækjum ásamt erindum frá Matís og HÍ. Fyrirtæki munu einnig kynna starfsemi sína þennan morgun.
Í kjölfar fundarins verður gestum boðið að skoða húsnæði að Vínlandsleið 14 en þar hafa nokkur fyrirtæki, sem eru í nánu samstarfi við Matís, komið sér fyrir og verður um formlega opnun að ræða á þeim hluta hússins þennan dag.
Dagskrá 08:30 Setning – Orri Hauksson, Samtök Iðnaðarins 08:40 Er líftækniiðnaðurinn vaxtabroddur Íslendinga? – Hörður G. Kristinsson, Matís 08:45 Ensím og orka úr hveraörverum – Jakob Kristjánsson, Prokazyme 09:00 Orka og efnasmíði með hjálp hitakærra örvera – Guðmundur Óli Hreggviðsson, Matís 09:10 Hvers vegna fá fiskar ekki fótasár? – Guðmundur Guðmundsson, Kerecis 09:25 Ensím úr þorski í náttúruvörur, snyrtivörur og lyf – Bjarki Stefánsson, Ensímtækni 09:40 Sameindaræktun og afurðir hennar – Júlíus B. Kristinsson, ORF Genetics 09:55 Efnaauðlegð íslenskrar náttúru – Sesselja Ómarsdóttir, Lyfjafræði Háskóla Íslands 10:10 Kítósan – Nýsköpun og vaxtamöguleikar til framtíðar – Einar Matthíasson, Primex 10:20 Ævintýramarkaðssetning: ull, fiskur og fæðubótarefni – Þráinn Þorvaldsson, Saga Medica 10:35 Umræður 10:45 Fundarslit og formleg opnun Vínlandsleiðar 14 – Friðrik Friðriksson, stjórnarformaður Matís
Fundarstjóri: Hörður G. Kristinsson, rannsóknastjóri Matís.
Þórir Bergsson, meistarakokkur Matís, býður fundargestum upp á frábæran morgunmat kl. 08:15.
Fundurinn er öllum opinn en vinsamlegast láttu okkur vita hvort þú mætir með því senda okkur línu á liftaeknifundur@matis.is
Landssamband smábátaeigenda og Matís efna á næstu dögum til námskeiða um bætta aflameðferð. Þar munu sérfræðingar Matís halda fyrirlestra og kynna nýjustu vísindin í meðferð afla, hvernig skal umgangast hann þannig að hæsta verð fáist við sölu hans og neytendur verði ánægðir með gæðin.
Afli smábáta er ferskasta hráefni sem völ er á, en til að tryggja enn betur að fiskvinnslan og neytendur fái sem bestan fisk í hendurnar er mikilvægt að smábátasjómenn þekki vel hvaða þættir hafa helst áhrif á gæðin.
Afli smábáta vegur þungt í heildaraflamagni og aflaverðmæti landsmanna. Bátar í þessum útgerðaflokki veiddu til dæmis rúmlega 75 þúsund tonn á kvótaárinu 2009/10 að verðmæti 19,1 milljarðar króna og er áætlað að þessi afli hafi skilað um 38 milljörðum króna til þjóðarbúsins í útflutningsverðmætum.
Sökum þess að útgerðamunstur og aðstaða um borð í smábátum er öðruvísi en hjá stærri bátum þá eru helstu áhersluatriði er snúa að aflameðferð sértæk fyrir smábátaflotann. Af þeim sökum mun Matís ásamt Landssambandi smábátaeigenda standa fyrir námskeiðum víðsvegar um landið þar sem kennd verða ýmiss grundvallaratiði er snúa að aflameðferð. Námskeiðin verða á eftirtöldum stöðum:
Reykjavik miðvikudaginn 13. april kl 20:00 að Vínlandsleið 12 (Matís)
Siglufjörður fimmtudaginn 14. april kl 17:00 í Allanum
Hellissandur fimmtudaginn 14. april kl 20:00 á Hótel Hellissandi (mynd)
Bolungarvík þriðjudaginn 19. apríl kl 20:00 í Félagsheimilinu
Djúpivogur miðvikudag 20. apríl kl 20:00 í Hótel Framtíð
Önnur námskeið auglýst síðar
Námskeiðin eru opin öllum og er þátttaka gjaldfrjáls.
Á síðunni, www.alltummat.is/fiskur/smabatar, verða birtar ýmsar upplýsingar um aflameðferð sem eiga sérstak erindi til smábátasjómanna, ásamt því sem birtur verður listi yfir þá sem setið hafa námskeiðin.
Endurbætt Matís skýrsla um endurhannaða frauðkassa og samanburð hitastýringar í flug- og sjóflutningi ferskra fiskafurða
Skýrsla Matís 29-10, Effect of improved design of wholesale EPS fish boxes on thermal insulation and storage life of cod loins – simulation of air and sea transport hefur verið endurútgefin með nokkrum lagfæringum. Ástæðan er einkum sú að ekki þótti nógu skýrt koma fram í skýrslunni að sá umhverfishitaferill, sem líkja átti eftir sjóflutningi, miðaðist í raun við nokkurn veginn bestu mögulegu aðstæður í sjóflutningskeðjum ferskra fiskafurða frá Íslandi. Hitamælingar í kæliverkefnunum Hermun kæliferla og Chill on hafa sýnt fram á að forflutningi innanlands fylgir oft óæskilegt hitaálag í nokkrar klst. hvort sem um er að ræða flug- eða sjóflutningskeðjur. Til þessa hitaálags var tekið tillit í tilfelli flugkeðjunnar en ekki sjóflutningskeðjunnar og er það dregið fram í nýrri útgáfu skýrslunnar. Dæmigerð flugflutningskeðja í skýrslunni miðast við flutning frá Norðurlandi en ljóst er að ekki er jafn mikils hitaálags að vænta í forflutningi frá svæðum nær Keflavíkurflugvelli.
Mest áhersla var á lengd geymsluþols í fyrri útgáfu skýrslunnar en fyrir kaupendur hágæðavöru skiptir líka mjög miklu máli að sá tími sem varan heldur enn ferskleika (e. freshness period) sínum eftir afhendingu sé sem lengstur. Að þessu leyti hefur flugflutningurinn vinninginn umfram sjóflutninginn að því gefnu að nýju frauðkassarnir séu notaðir.
Þess má loks geta að hjá Matís er í burðarliðnum verkefni sem hefur það megin markmið að bæta hitastýringuna í flugflutningi ferskra sjávarafurða, tryggja betur geymsluþol afurðanna og hámarka um leið gæði og verðmæti þeirra. Ferskar afurðir fluttar með flugi eru dýrustu ferskfiskafurðirnar, sem fara inn á hágæðamarkaði og því má segja að mjög nákvæm hitastýring sé mikilvægust í flugflutningsferlum ferskra fiskafurða.
Nánari upplýsingar veitir Björn Margeirsson, vélaverkfræðingur og doktorsnemi við Háskóla Íslands og Matís, bjornm@matis.is.
Við notum vafrakökur til að tryggja almenna virkni, mæla umferð og tryggja bestu mögulegu upplifun notenda á matis.is.
Functional
Alltaf virkur
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes.The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.
