Tengiliður
Jónas Rúnar Viðarsson
Áherslusviðsstjóri
jonas@matis.is
SUPREME er rannsókna og nýsköpunarverkefni sem er styrkt af norska rannsóknaráðinu, og er því ætlað að vinna að því að auka nýtingu og verðmætasköpun úr hliðarstraumum sem myndast í virðiskeðjum botnfisks í Noregi. Í verkefninu er m.a. unnið að þróun lausna fyrir meðhöndlun um borð í veiðiskipum, flutninga og vinnslu hráefna frá úthafsflota Norðmanna.
Vænst er þess að niðurstöður SUPREME verkefnisins munu hjálpa til við að veita norskum botnfiskiðnaði ný markaðstækifæri, aukna framlegð og stærri markaðshlutdeild í hliðarafurðum sjávarfangs.
Hlutverk Matís í verkefninu er meðal annars að miðla þekkingu frá Íslandi og öðrum þeim löndum sem skara sig fram úr í fullvinnslu sjávarafurða. Hefur Matís einnig komið að vöruþróun og að því að rýna virðiskeðjur norsks botnfisks. Hefur Matís gefið út eftirfarandi skýrslur í verkefninu:
Kortlagning virðiskeðju norsks bolfisks
Greining á virðiskeðjum norsks bolfisks og tillögur að úrbótum
