Tengiliður
Guðmundur Óli Hreggviðsson
Stefnumótandi sérfræðingur
gudmundo@matis.is
Matís tekur þátt í verkefninu THERMOPHAGE sem gengur út á að rannsaka veirur í örveruvistkerfi jarðhitasvæða. THERMOPHAGE byggir á fyrri verkefnum þar sem lögð var áhersla á að finna ensím í umhverfiserfðamengjum jarðhitasvæða sem unnt er að nýta í líftækni.
Beitt verður nýjustu aðferðum í lífupplýsingafræði og umhverfiserfða- (metagenomic) og sam-erfðamengis rannsóknum (pangenomic – samburður á erfðamengjum) og þær bestaðar til rannsókna á veirum. THERMOPHAGE mun auka þekkingu og skilning á mikilvægum erfða- og vistfræðilegum þáttum svo sem tegundafjölbreytileika, flokkun þeirra og skyldeika, sýkingarhæfni og sýkingar-breidd, og hvernig eftirmyndun og umritun er háttað í völdum mismunandi veirum.
Ljósmynd: Shutterstock