Tengiliður
Karla Fabiola Corral-Jara
Verkefnastjóri
KarlaF@matis.is
Markmið verkefnisins er að efla greiningu á vaxtarmynstri baktería í iðnaðarsamhengi og þannig auka matvælaöryggi, með því að draga úr mengun og skemmdum á matvælum.
Með því að endurbæta tæknilega nálgun í ræktun baktería, mun verkefnið veita mikilvæga innsýn í bakteríuvöxt á ein-frumuupplausn. Verkefnið mun þannig veita aðgang að áður óaðgengilegri þekkingu á vaxtarmynstri sjúkdómsvaldandi baktería í matvælaframleiðslukeðjum með hugsanlegri útvíkkun til annarra sviða. Byggt á þessu mun verkefnið hanna nákvæmt lífmarkasett sem matvælaiðnaðurinn getur notað til að greina og koma í veg fyrir bakteríumengun. Gangi markmið verkefnisins eftir mun hin nýstárlega nálgun þess hafa veruleg áhrif á matvælaöryggi og lýðheilsu með því að draga úr mengun og skemmdum á matvælum.