Höfundur: admin

Dagana 15.-18. september. var haldin í Kaupmannahöfn ráðstefnan TAFT 2009 . Efni frá Matís var mjög sýnilegt á ráðstefnunni og veggspjaldið ‘Arctic’ tilapia (Oreochromis niloticus) – Optimal storage and transport conditions for fillets var valið besta veggspjald ráðstefnunnar.

Meginmál

TAFT ráðstefnur (Trans Atlantic Fisheries Technology Conference) er vettvangur þar sem margir af fremstu vísindamönnum Evrópu, Bandaríkjanna og Kanada á sviði rannsókna á sjávarfangi og nýtingu þess koma saman og bera saman bækur sínar. Þessi ráðstefna var þriðja TAFT ráðstefnan. Að ráðstefnunum standa WEFTA (West European Fish Technologists Association), sem eru samtök vísindamanna á sviði fiskiðnaðarrannsókna í V-Evrópu og AFTC (Atlantic Fisheries Technologists Conference), sem eru sambærileg samtök vísindamanna á austurströnd N-Ameríku og Kanada.

Þrír vísindamenn frá Matís héldu erindi á ráðstefnunni:

Eyjólfur Reynisson, Matís. Rapid quantification of specific spoilage organisms (SSOs) in fish using real-time PCR. Einblöðungar: Gæðastokkur. Quality meter. Mynd af fyrirlesara.

Tao Wang, University of Iceland and Matís. Algal polyphenols as novel natural antioxidants.

Björn Margeirsson, Matis. Experimental and numerical investigation of thermal performance of wholesale fresh fish packaging.

Starfsmaður Matís var meðhöfundur í einu erindi:

Themistoklis Altintzoglou, Nofima Marine, Norway. Torstein Skåra, Þóra Valsdóttir, Rian Schelvis, Joop Luten. New seafood concepts for young adults, a voice-of consumers approach.

Tveir nemendur héldu stutt kynningarerindi:

Nguyen Van Minh, University of Iceland and Matis, Iceland – The effects of different storage temperatures on the quality of salted cod.

Gholam Reza Shaviklo, University of Iceland and Matis and Iran Fisheries Organization (Shilat), Iran –  Effects of different drying methods on lipid oxidation, sensory attributes and functional properties of saithe surimi.

Matís var með 3 veggspjöld og þátttakandi í því fjórða:

‘Arctic’ tilapia (Oreochromis niloticus) – Optimal storage and transport conditions for fillets. Emilía Martinsdóttir, Cyprian Ogombe Odoli, Hélène L. Lauzon,  Kolbrún Sveinsdóttir, Hannes Magnússon, Sigurjón Arason, Ragnar Jóhannsson.

Implementation of novel technologies in field trials in the fish and poultry supply chains. Guðrún Ólafsdóttir, Victor Popov, Ian Bruce, Emilía Martinsdóttir, Idan Hammer, Sigurður Bogason, Christian Colmer, Maria Bunke, Matthias Kück.

Bioactivity of phlorotannins in brown seaweed, Fucus vesiculosus. Rósa Jónsdóttir, Tao Wang, María Jesús Gonzalez, Isabel Medina, Hörður G. Kristinsson, Guðrún Ólafsdóttir.

TasteNet, a European consumer panel in development with satellites in the Netherlands, Norway, France and Iceland Joop B. Luten, Rian Schelvis, Adriaan Kole, Mats Carlehøg, Mireille Cardinal, Jean Luc Vallet and Emilia Martinsdottir.

Meistaraprófsfyrirlestur í matvælafræði við Matvæla- og næringarfræðideild, Heilbrigðisvísindasviði Háskóla Íslands. Matís, fundarsalur á fyrstu hæð, Skúlagata 4, á morgun, þriðjudaginn 29. september kl. 16-17.

Magnea G. Karsdóttir flytur erindi um MS verkefni sitt.

„Application of additives in chilled and frozen white fish fillets- Effects on chemical and physicochemical properties“

Leiðbeinandi:               Sigurjón Arason, dósent í matvælavinnslu

Meðleiðbeinandi:           Guðjón Þorkelsson, dósent í matvælavinnslu

Meistaraprófsnefnd:      Sigurjón Arason, Guðjón Þorkelsson og
                                      María Guðjónsdóttir sem er starfsmaður Matís  

Prófdómari:                  Hörður G. Kristinsson, Sviðsstjóri hjá Matís

Verkefnið er styrkt af AVS rannsóknasjóði í sjávarútvegi, Tækniþróunarsjóði og Nordisk InnovationsCenter.

S amantekt – MS verkefni.
Megin markmið verkefnisins var að rannsaka íblöndun hjálparefna, þá sér í lagi fisk próteina, og áhrif þeirra á efna- og eðliseiginleika kældra og frystra fiskiflaka. Fersk flök af ufsa og þorski og léttsöltuð flök af þorski voru sprautuð með nokkrum próteinblöndum og borin saman við ómeðhöndluð flök og flök sem voru sprautu söltuð (1.5% og 4%). Flökin voru síðan geymd við +2°C og -24°C í mislangan tíma. 

Þeir þættir sem voru skoðaðir voru nýting, vatnsheldni, efna samsetning og T₂ transversal relaxation tímar. Íblöndun próteinanna jók þyngdarupptöku við sprautun samanborið við saltsprautuð flök, en þó mismikið eftir próteintegund. Viðbættu próteinin höfðu einnig þau áhrif að nýting eftir geymslu jókst verulega og magn drips lækkaði samanborið við ómeðhöndluð og sprautusöltuð flök.

Þau prótein sem höfðu mest áhrif voru vatnsrofin fiskprótein (FPH) og himnusprengd fiskprótein (HFP), en þau gáfu einnig tiltölulega betri heildarnýtingu hjá þorsk flökunum. Íblöndun með próteinum og/eða salti hafði aftur á móti lítil áhrif á vatnheldni flakanna, en það var búist við því að vatnsheldnin yrði betri samanborið við ómeðhöndluð flök.

Sú blanda sem hafði jákvæðustu áhrif á vatnsheldnina var FPH. Íblöndun á próteinum í ufsa og þorskflök hefur í heildina á litið jákvæð áhrif við að bæta stöðugleika og gæði flakanna, en þörf er á að þróa og besta íblöndunaraðferðirnar með tillit til hráefnisins.

Þorskflökin sýndu betri niðurstöður samanborið við ufsaflökin. Ufsaflökin virðast vera mun viðkvæmari fyrir innsprautun og frystingu heldur en þorskflök, en los er þekkt vandamál hjá flökum úr ufsa. Íblöndun fiskpróteina er kostur sem vert er að skoða nánar með það að markmiði að auka nýtingu og verðmæti sjávarafurða.

Vísindavaka 2009 verður haldin föstudaginn 25. september i Listasafni Reykjavíkur frá kl. 17 til kl. 22. Matís er þátttakandi á vísindavökunni og reikna má með fjölmenni í heimsókn.

Dagurinn er tileinkaður evrópskum vísindamönnum og haldinn hátíðlegur í helstu borgum Evrópu. Markmiðið með Vísindavöku og atburðum henni tengdum er að færa vísindin nær almenningi, kynna fólkið á bak við rannsóknirnar og vekja almenning til umhugsunar um mikilvægi rannsókna- og vísindastarfs í nútímasamélagi. Rannís stendur fyrir Vísindavöku á Íslandi.

Sprengjugengið og fleiri mæta!
Á Vísindavöku er fullt af fróðleik fyrir fólk á öllum aldri og í ár verður boðið upp á atriði á sviði og má þar nefna Sprengjugengið sem mætir á svæðið, fólk getur reynt að reka Vísindavefinn á gat, stjörnustrákarnir finna upp á einhverju sprelli og nýir vísindaþættir Ara Trausta verða kynntir. Á Vísindavöku kynnir vísindafólk frá háskólum, stofnunum og fyrirtækjum rannsóknarverkefni fyrir almenningi á lifandi og skemmtilegan hátt. Gestir fá að skoða og prófa ýmis tæki og tól sem notuð eru við rannsóknir, skoða afurðir verkefna og spjalla við vísindafólkið sjálft um hvernig er að starfa að vísindum, rannsóknum og nýsköpun. Fjölskyldan er í fyrirrúmi á Vísindavöku og gefst þar kjörið tækifæri til að kynna heim vísinda og tækni fyrir börnum og unglingum, en ungt fólk er sérstaklega velkomið á Vísindavöku.

Vonandi sjá sem flestir sér fært að kíkja á Listasafn Reykjavíkur og spjalla við vísindamenn og skoða það sem fyrir augu ber á Vísindavöku. Enginn aðgangseyrir er og allir eru velkomnir. Hér má finna yfirlit yfir dagskrá og þátttakendur.

Starfsmaður Matís, Þóra Valsdóttir, heldur erindi um þetta efni á opnum fundi á morgun, fimmtudag 24. september kl. 15-17 á Grand Hótel.

Árleg velta í kjötiðnaði á Íslandi er áætluð um 25 milljarðar króna. Talið er að þar af tapist a.m.k. 5% eða 1250 milljónir vegna rýrnunar sem verður áður en varan kemst í hendur neytenda. Því er til mikils að vinna ef hægt er að draga úr þessari rýrnun.
Hvað er hægt að gera til að draga úr sóun við framleiðslu og dreifingu matvæla? Hverju skilar bætt meðferð og bætt upplýsingaflæði milli aðila í virðiskeðjunni?

Samtök iðnaðarins, Tækniþróunarsjóður, Norðlenska, Sláturfélag Suðurlands, Kaupás, AGR, Matís og Rannsóknarsetur verslunarinnar, boða til opins fundar þar sem kynntar verða niðurstöður þróunarverkefnis um þetta efni þar sem kjötiðnaðurinn var tekinn sem dæmi. Niðurstöðurnar má heimfæra upp á aðrar greinar matvælaiðnaðar.

Staðsetning: Setrið, Grand Hótel Reykjavík
Tími: Fimmtudagur 24. september kl. 15-17

Dagskrá:

1. Ávinningur af bættri meðferð og þekkingu á matvælum. Þóra Valsdóttir, matvælafræðingur, Matís.
2. Notkun upplýsingakerfa til að bæta framleiðslustýringu og minnka birgðakostnað. Einar Karl Þórhallsson og Hlynur Stefánsson, verkfræðingar AGR.
3. Vörustjórnun ferskra matvæla – fordæmi og reynsla. Emil B. Karlsson, forstöðumaður Rannsóknaseturs verslunarinnar.
4. Almennar umræður.

Fundarstjóri: Davíð Lúðvíksson, forstöðumaður stefnumótunar og nýsköpunar, SI.

Vinasamlegast tilkynnið þátttöku á netfangið mottaka@si.is

Hér á landi eru nú góðir gestir m.a. vegna sýningar á Terra Madre sem er sýnd á RIFF kvikmyndahátíðinni. Þessir góðu gestir koma í heimsókn til Matís á morgun.

Þetta eru þau Paolo di Croce, framkvændastjóri Terra Madre og aðalritari Slow Food International og Veronica Veneziano, svæðisfulltrúi Slow Food International fyrir Norðurlöndin.

Paolo Di Croce situr í stjórn Slow Food International á alþjóðavísu. Samtökin hafa tugi þúsunda meðlima og eru ráðandi afl við að byggja upp sælkera- og hefðarmatvæli þar sem lagt er upp úr að viðhalda hefðum og berjast gegn ofuriðnvæðingu í matvælaframleiðslu heimsins. Samtökin berjast einnig fyrir því að tryggja fjölbreytileika í ræktun og að viðhalda náttúrulegum stofnum. GMO umræða er þar af leiðandi mikil og samtökin berjast fyrir því að erfðabreytt matvæli nái ekki að ryðja náttúrulegum stofnum úr vegi. 

Eins má nefna sértækari markmið eins og að tryggja að ostar úr ógerilsneiddri mjólk verði ekki bannaðir af heilbrigðisyfirvöldum. 

Í heimsókninni til Matís munu starfsmenn m.a. kynna fyrir þeim nálganir fyrirtækisins um hvernig hægt sé að efla smáframleiðslu á Íslandi og einnig að sýna þær einstöku afurðir sem við eigum hér á landi sem og afrakstur Matís úr vinnu starfsmanna á þessu sviði.

Nánari upplýsingar veitir Þóra Valsdóttir, thora.valsdottir@matis.is.

Matís, Skotveiðifélag Íslands, Matvælastofnun og Úlfar Finnbjörnsson hjá Gestgjafanum bjóða til opins fræðslufundar um þessi mál þriðjudaginn 22. september nk. frá kl. 8:30-09:45 á Hótel Nordica, Suðurlandsbraut 2.

Nú er sá tími ársins að veiðar á villibráð eru í algleymingi. Veiðar landsmanna  á gæs, rjúpu nú eða á stærri bráð, t.d. hreindýri, eru vinsælar sem aldrei fyrr og er, þegar þetta er ritað, nánast búið að veiða allan hreindýrakvóta þessa hausts

Hvernig eiga veiðimenn og aðrir sem koma að meðferð og meðhöndlun villibráðar að bera sig að? Menn hafa ekki alltaf verið sammála um þetta og hafa mismunandi sjónarmið oft á tíðum tekist þarna á. Sem dæmi eru hugmyndir uppi hvort kæling villibráðar, eins og hún tíðkast nú til dags, þar sem dýr er t.d. grafið í fönn og sótt síðar, sé það besta sem hægt er að gera í stöðunni til að tryggja gæði kjötsins. Eða er æskilegt að haga kælingu með öðrum hætti og hægja e.t.v. á kælingunni til að fá meyrara kjöt? Ef við hægjum á kælingunni  erum við þá að taka áhættu út frá sjónarmiði matvælaöryggis og auka líkur á vexti baktería? Ofangreind sjónarmið og fleiri auk reglna um meðferð og meðhöndlun villibráðar takast þarna á.

Sérfræðingar um villibráð hafa auk þess oft skeggrætt um nýtingu hráefnisins og þykir mörgum að mun betur mætti fara í þeim efnum. Liggja tækifæri í matarferðamennsku í  betri nýtingu kjöts af villibráð og væri e.t.v. hægt að skerpa enn frekar á sérstöðu Íslands í mat og drykk með því að huga betur að því hreina og ómengaða hráefni sem við höfum? Gæti matarferðamennska skapað gjaldeyri sem um munar á þessum erfiðu tímum?

Af þessu tilefni ætla Matís, Skotveiðifélag Íslands, Matvælastofnun og Úlfar Finnbjörnsson hjá Gestgjafanum að bjóða til opins fræðslufundar um þessi mál þriðjudaginn 22. september nk. frá kl. 8:30-09:45 á Hótel Nordica, Suðurlandsbraut 2. Þar munu fremstu sérfræðingar landsins í meðferð og meðhöndlun villibráðar flytja erindi um þetta áhugaverða en umdeilda efni.

Dagskrá
08:30-08:35 – Jón Bjarnason, sjávarútvegs- og landbúnaðarráðherra – Fundur settur
08:35-08:45 – Ívar Erlendsson, leiðsögumaður/hreindýraguide – Eftir skotið, hvað þá?
08:45-08:55 – Sigmar B. Hauksson, Skotvís – Betri nýting villibráðar – meiri ánægja, fleiri minningar?
08:55-09:05 – Kjartan Hreinsson, MAST – Löggjöf um meðferð og meðhöndlun villibráðar
09:05-09:15 – Guðjón Þorkelsson, Matís – Um meðferð og meðhöndlun villibráðar; tækifæri í vöruþróun?
09:15-09:25 – Úlfar Finnbjörnsson, Gestgjafinn – Fullnýting afurðanna ásamt kryddun, eldun og meðlæti!
09:25-09:45 – Spurningar, svör, umræður

Fundarstjórn
Sjöfn Sigurgísladóttir, forstjóri Matís

Heitt á könnunni!

Á vormánuðum var bókin Magnetic Resonance in Food Science, Challenges in a Changing World gefin út í kjölfar vel heppnaðar ráðstefnu sem Matís hélt  í Norræna húsinu dagana 15.-17. september 2008 um notkunarmöguleika kjarnaspunatækni (Magnetic Resonance) í matvælaframleiðslu og matvælarannsóknum. 

Meginmál  

Bókinni er ritstýrt af Maríu Guðjósdóttur, verkefnastjóra og doktorsnema hjá Matís, ásamt Professor Peter Belton við Háskólann í East Anglia og Graham Webb frá Royal Society of Chemistry.  Bókin er gefin út af Royal Society of Chemistry í Bretlandi. Ráðstefnuna sóttu 80 þátttakendur hvaðanæva að úr heiminum og kynntu þar rannsóknaniðurstöður sínar.  Þar af voru 32 verkefni kynnt í fyrirlestrum og 32 sem veggspjöld.  Bókin sem nú er komin út samanstendur af 29 greinum þessara vísindamanna og flokkast greinarnar í fjóra kafla; New Techniques; Food Systems and Processing; ESR and other Techniques; Fish and Meat. Fyrir áhugasama má nálgast bókina hjá Matís með því að senda tölvupóst til Maríu Guðjónsdóttur (mariag@matis.is) eða panta í síma 422 5091. 

Ráðstefnan var níunda ráðstefnan í ráðstefnuröðinni International Conference on the Applications of Magnetic Resonance in Food Science, en ráðstefnurnar eru haldnar annað hvert ár.  Næsta ráðstefna verður haldin haustið 2010 í Clermont í Frakklandi á vegum L‘Institut National de la Recherche Agronomique (INRA) í Frakklandi.

Doktorsvörn starfsmanns Matís í matvælafræði frá Matvæla- og næringafræðideild á Heilbrigðisvísindasviði Háskóla Íslands.

Bætt skynræn gæði sjávarfangs fyrir neytandann

Skynrænir gæðaeiginleikar mismunandi þorskafurða og smekkur neytenda

Doktorsvörn í matvælafræði frá Matvæla- og næringafræðideild á Heilbrigðisvísindasviði Háskóla Íslands

Föstudaginn 25. september n.k. fer fram doktorsvörn frá Matvæla- og næringafræðideild Háskóla Íslands. Þá ver Kolbrún Sveinsdóttir matvælafræðingur doktorsritgerð sína „Improved seafood sensory quality for the consumer – Sensory characteristics of different cod products and consumer acceptance“ (Bætt skynræn gæði sjávarfangs fyrir neytandann – Skynrænir gæðaeiginleikar mismunandi þorskafurða og smekkur neytenda). Andmælendur eru Dr. Margrethe Hersleth frá Nofima Mat og Lífvísindaháskóla Noregs og Dr. Wender Bredie prófessor við Kaupmannahafnarháskóla. Leiðbeinendur Kolbrúnar og í doktorsnefnd voru eftirtaldir Emilía Martinsdóttir MSc, fagstjóri hjá Matís, Dr. Grethe Hyldig Aqua, National Institute of Aquatic Resources við Tækniháskóla Danmerkur (DTU), Dr. Conor Delahunty hjá Matvæla og næringarvísindastofnun Ástralíu (CSIRO), Dr. Sjöfn Sigurgísladóttir forstjóri Matís og Dr. Inga Þórsdóttir prófessor við Háskóla Íslands.

Dr. Ingibjörg Gunnarsdóttir, dósent við matvæla- og næringarfræðideild Háskóla Íslands stjórnar athöfninni sem fer fram í Hátíðasal Háskólans í Aðalbyggingu og hefst klukkan 13:00.

Matís veitti Kolbrúnu og rannsókn hennar aðstöðu, en rannsóknin tilheyrði stóru verkefni eða áætlun, SEAFOODplus. Matís og Háskóli Íslands voru þátttakendur í SEAFOODplus sem var styrkt af 6. rammaáætlun Evrópusambandsins. Rannsókn Kolbrúnar var einnig styrkt af AVS rannsóknasjóði í sjávarútvegi.

Ágrip úr rannsókn
Jákvæð áhrif fiskneyslu á heilsu fólks eru vel þekkt. Þrátt fyrir það er fiskneysla minni í Evrópu en ráðlagt er af heilbrigðisyfirvöldum. Skynræn gæði s.s. útlit, lykt, bragð og áferð, hafa mikil áhrif á neytendur, auk margra annarra þátta sem móta reynslu, smekk o.fl. Markmið rannsóknarinnar var að skilgreina skynræna gæðaeiginleika mismunandi þorskafurða. Markmiðið var einnig að kanna smekk neytenda fyrir þorskafurðum með hliðsjón af viðhorfum, lýðfræðilegum þáttum og staðsetningu neytendaprófa.

Niðurstöður rannsóknarinnar gefa ítarlegar upplýsingar um gæðaeiginleika þorskafurða. Skynmat á þorskafurðum sýndi m.a. hvernig meðhöndlun hafði áhrif á gæðaeiginleika. Einkunnaskalar sem þróaðir voru í verkefni Kolbrúnar geta nýst sem grunnur í geymsluþolsrannsóknum, vöruþróun eða fyrir gæðaeftirlit í fiskiðnaði.. Með því að tengja saman upplýsingar um skynræna gæðaþætti, smekk neytenda, viðhorf og venjur fást mikilvægar upplýsingar fyrir markaðssetningu sjávarafurða og fyrir heilbrigðisyfirvöld til að stuðla að því að ráðleggingum um fiskneyslu verði betur fylgt víða í heiminum. Doktorsritgerðin byggir á fimm vísindagreinum, sem birtar eru eða samþykktar til birtingar, í alþjóðlegum ritrýndum tímaritum.

Um doktorsefnið
Kolbrún Sveinsdóttir er fædd þann 6. október 1974 í Reykjavík. Kolbrún lauk stúdentsprófi frá eðlisfræðibraut Menntaskólans í Kópavogi árið 1994 og BSc námi í matvælafræði við Háskóla Íslands árið 1997. Hún lauk svo meistaranámi frá Háskóla Íslands árið 2000. Meistaraverkefnið fjallaði um gæðaþætti og þróun skynmatsaðferðar til að meta eldislax með tilliti til ferskleika. Kolbrún hóf doktorsnám við Háskóla Íslands árið 2004. Hún hefur starfað hjá Matís sem matvælafræðingur frá árinu 2000 á sviði skynmats. Kolbrún er dóttir Sveins Kristjánssonar, kennara og Aðalheiðar Edilonsdóttur húsmóður. Hún er gift Guðmundi B. Friðrikssyni umhverfisverkfræðingi og eiga þau þrjú börn, Kristján Leó, Ísak Mána og Heiðrúnu Maríu.

Nánari upplýsingar veita
Kolbrún Sveinsdóttir, 422-5079, netfang: kolbrun.sveinsdottir@matis.is
Emilía Martinsdóttir, 422-5032, netfang: emilia.martinsdottir@matis.is

Á næstunni verður birt vísindagrein í blaðinu LWT-Food Science and Technology, sem ber titilinn; Áhrif háþrýstings á vöxt Listeríu og áferðar- og smásæja eiginleika reykts lax.

Höfundar eru Ásbjörn Jónsson, starfsmaður Matís auk Birnu Guðbjörnsdóttur, Hannesi Hafsteinssyni og Volker Heinz.

Vísindagreinin er afrakstur verkefnis sem var unnið á árunum 2005-2006.

Meginmarkmið verkefnisins var að rannsaka áhrif háþrýstings (400-900 MPa) á vöxt bakteríunnar Listeria innocua og gæðaþætti (myndbyggingu, áferð og lit) í kaldreyktum laxi eftir meðhöndlun í 10, 20,30 og 60 sekúndur. Áhrif á heildarfjölda loftháðra baktería, mjólkursýrugerla og Bacillus gróa voru einnig rannsökuð.

Rannsóknin sýndi að meðhöndlun með háþrýsting í stuttan tíma væri árangursrík til að bæta gæði og öryggi kaldreykta afurða. Vegna lítilsháttar breytinga í útliti og áferð afurðanna er þörf á frekari rannsóknum. Þessi nýja aðferð lofar góðu til að mæta kröfum um lengra geymsluþol á reyktum laxi.

Rannsóknin hefur mikið gildi fyrir iðnaðinn, vegna þeirra nýjungar að nota háþrýsting í stuttan tíma (sekúndur) til að eyða bakteríunni Listeríu í reyktum laxi og auka þannig geymsluþol þessarar verðmætu afurðar.

Greinina má finna hér.

Verkefnið var styrkt af Rannsóknarsjóði Rannsóknarmiðstöðvar Íslands.

Nánari upplýsingar veitir Ásbjörn Jónsson, asbjorn.jonsson@matis.is.

Rekstrarstjórnun og vöruþróun í matvælaframleiðslu

Markmið námsins er að efla almenna rekstrarkunnáttu nemenda og kynna þeim hagnýtar og sannreyndar aðferðir og vinnubrögð sem ýta undir rekstrarlegan árangur m.a. með betri stjórnun virðiskeðjunnar og markvissari samningum við birgja. Auk þess verður fjallað um vöruþróun og nýsköpun frá hráefni til neytenda. Farið verður yfir það hvar og hvernig má koma auga á tækifæri, hvernig tækifæri er flutt af hugmyndastiginu á þróunarstigið, stjórnun nýrrar þróunar, og loks hvernig nýrri þróun er komið á framfæri í formi nýs vöru‐ eða þjónustuframboðs.

• Fjármál og rekstrarstjórnun ‐ Birgir Hrafn Hafsteinsson, Capacent
• Stjórnun virðiskeðjunnar ‐ Hlynur Stefánsson, HR og Sveinn Margeirsson, Matís
• Samningatækni og ákvörðunartaka ‐ Aðalsteinn Leifsson, HR
• Frammistaða, starfsmanna‐ og launaviðtöl ‐ Elfa Hrönn Guðmundsdóttir, HR
• Stefnumótandi markaðssetning ‐ Valdimar Sigurðsson, HR
• Vöruþróun og nýsköpun ‐ Marina Candi, HR, Sjöfn Sigurgísladóttir og Guðmundur Gunnarsson, Matís
• Hráefnisnýting og leiðir til virðisaukningar og breytingar á matvælalöggjöfinni ‐ Franklín Georgsson og Margeir Gissurarson, Matís
• Sjálfbærni í matvælaiðnaði ‐ Sveinn Margeirsson, Hörður Kristinsson og Guðmundur Gunnarsson, Matís

Námið stendur frá 2. október til 22. janúar 2010. Hvert námskeið er 8 klst.
Nánari upplýsingar um námið veitir starfsfólk Opna háskólans í síma 599 6360 eða á stjórnmennt@opnihaskolinn.is

Verð kr. 229.000.‐

SKRÁNING ER HAFIN

Tenglar:
Auglýsing á pdf formi
www.opnihaskolinn.is