Flokkur: Fréttir

Nú fyrir stuttu birtist grein á vefsvæði Fishupdate eftir starfsmenn Matís og Háskóla Íslands. Þar er lagt til að jákvæðri upplifun skynrænna þátta vegna fiskneyslu, t.d. lyktar og bragðs, sé haldið að krökkum frá unga aldri enda geti það skipt sköpum upp á neyslu fisks síðar á ævinni.

Fish is a healthy food, and the WHO recommends that ideally it should be on the menu once or twice a week. The high levels of omega-3 fatty acids, above all in sea fish with a high fat content, are especially important for the health. Fish are also important as a source of vitamin D and trace elements such as iodine and selenium. Whoever eats sea fish regularly lessens their risk for diabetes and cardiovascular disease. Fish supports a balanced weight-loss program and can lessen oxidative stress. 

Unfortunately, children and young adults seldom eat fish. Since the dietary habits of earlier years are often carried into adulthood, they can have a long-term negative effect on one’s health. 

An Icelandic study by University of Iceland in cooperation with the Food and Biotech  research institute and European Sensory Network member, Matís, is seeking the relevant factors that are responsible for this aversion to fish. The researchers questioned 1498 Icelanders between the age of 17 and 26 as to how often they consumed fish. The researchers also wanted to know if the participants had eaten fish as children, if they believed that fish smelled and tasted good or bad, if healthy food was important, what they thought of fish as nourishment, whether parental pressure influenced the participants’ fish consumption, and whether they were able to prepare and cook fish themselves. 

Analyses of the results showed that all of the above-mentioned factors in the willingness to eat fish were important, either directly or indirectly. Young people are more prone to eat fish:

• if they had learned to cook and can prepare fish recipes
• if they had a positive attitude towards eating fish
• if they were interested in eating healthy
• if they liked the way fish tastes and smells
• if their parents had fish regularly on the family’s menu

Eating fish during childhood has an indirect influence on the liking of fish later in life.  Whoever has eaten fish often as a child has a greater probability of enjoying eating it, consequently developing a positive attitude towards the food, and will eat fish on a regular basis on into early adulthood. 

Sensory beliefs were shown to be the strongest predictor of attitudes towards fish consumption, followed by social pressure from the parents. An interest in a healthy diet and confidence in one’s own cooking had a comparatively weak influence.

Researcher Kolbrun Sveinsdottir from Matis concluded: “It is important to set up programmes in kindergartens and schools targeted towards establishing a positive sensory experience as early as possible in regards to eating fish. Parents must be encouraged to serve their children fish on a regular basis and also involve them in the preparation and cooking. The industry should take more consideration on presenting fish products that can be more easily prepared and cooked.”

The scientists also recommend that the positive health aspects of fish consumption be given a prominent place in the marketing of seafood products.

Source:
A model of fish consumption among young consumers Thorsdottir F, Sveinsdottir K, Jonsson FH, Einarsdottir G, Thorsdottir I, Martinsdottir E. Journal of Consumer Marketing, Volume 29, Issue 1,  2012, Pages 4–12
DOI: http://www.esn-network.com/typo3conf/ext/dh_linklayout/res/link_ext.gif 10.1108/07363761211193000

Nánari upplýsingar má nálgast hjá Kolbrúnu Sveinsdóttur hjá Matís og á vefsvæði Fishupdate, www.fishupdate.com.

Fyrirtækið 3X Technology á Ísafirði vinnur nú að rannsóknarverkefni um blóðgun á línufiski í smábátum og er verkefnið unnið í samvinnu við Matís og útgerðaraðila.

Matís leggur kapp á að aðstoða matvælaiðnaðinn í landinu um aukin verðmæti, bætta nýtingu og betri lýðheilsu, með ofangreindu verkefni er unnið að aukningu verðmæta með betri aflameðhöndlun sem opnar leiðir fyrir betri nýtingu. Þar sem matvælaiðnaðurinn gegnir mikilvægu hlutverki í kringum landið er Matís með starfsemi víða um land þ.m.t. á Ísafirði. Starfstöð Matís á Ísafirði hefur mikilvægu hlutverki að gegna við að brúa bilið á milli atvinnulífs og vísindasamfélags. Á Ísafirði er nú í gangi samstarf 3X, smábátaútgerða og Matís og nýtur stöðvarstjóri Matís á Ísafirði stuðnings annarra sérfræðinga og sérhæfðra starfsmanna Matís við lausn verkefnisins.

Ofangreint verkefni er dæmi um hvernig rannsóknir Matís, sem í þessu tilfelli snúast um vinnu í þágu 3X og í samstarfi við smábátaútgerðir, fela í sér ávinning fyrir landsmenn alla. Það er með rannsóknunum sem hægt er aðbúa í haginn fyrir þróun sem viðhaldi gæðum afla. Meðhöndlun hráefna skipti miklu um möguleika til framleiðslu fjölbreyttra afurða.

„Útgerð línubáta er sérstaklega mikilvæg sjávarbyggðum á Vestfjörðum og hefur verið ómetanleg lyftistöng fyrir byggðaþróun þar í gegnum tíðina,“ segir Shiran Þórisson, framkvæmdastjóri Atvinnuþróunarfélags Vestfjarða. Fyrirtækið 3X Technology á Ísafirði vinnur nú að rannsóknarverkefni um blóðgun á línufiski í smábátum, og fékk nýverið styrk úr Vaxtarsamningi Vestfjarða, sem er samstarfsverkefni iðnaðarráðuneytisins og Atvest. 3X Technology vinnur verkefnið í samvinnu við Matís og útgerðarðila, sem þróað hafa nýjan búnað til blóðgunar um borð í línubátum, en búnaðurinn nefnist „Rotex“. Shiran segir að á síðari tímum hafi verið bent á það óspart, að veira þessara báta séu mun vistvænni en annarra útgerðarflokka.

„Þrátt fyrir hina mörgu kosti smábátaútgerðar hefur hún einnig sína ókosti. Sérstaklega eru þekkt ýmis vandamál er snúa að því að viðhalda gæðum hráefnisins eftir að það kemur um borð, en þar sem vinnupláss um borð í þessum bátum er af skornum skammti hefur vantað nokkuð á að meðferð aflans um borð væri sem skyldi,“ segir Shiran, og segir það ekki síst eiga við hvað varðar blæðingu en vandasamt hefur reynst að koma fullnægjandi búnaði um borð í smábáta. „Sökum þessara gæðavandamála er ímynd smábátaútgerðar ekki eins jákvæð og hún annars hefur burði til að vera, en í raun er varla hægt að hugsa sér ferskara hráefni en krókaveiddan fisk,“ segir Shiran.

Þrátt fyrir að rannsóknir bendi til að rétt blóðgun skili meiri verðmætum á þorskafla hefur ekki verið sýnt fram á það með óyggjandi hætti. Því var talið mikilvægt að sýna fram á með rannsókn að nýr búnaður henti til notkunar um borð í minni línubátum og skili betri gæðum á afla.
„Verkefnið, sem styrkt er af Vaxtarsamningi Vestfjarða og AVS sjóðnum, mun svara þeirri spurningu hvort það sé betra að láta afla smábáta blæða út í „Rotex“ búnaðinum sem 3X hafa hannað miðað við hefðbundna aðferð smábáta, eða að láta þá blæða út í ískrapa í fiskikörum. Við teljum það betra með „Rotex“ búnaðinum heldur en að gera þetta með hefðbundnum aðferðum. Verkefnið snýst um að svara því,“ segir Shiran.

Töluvert er í húfi fyrir 3X Techology sem áætlar að framleiðsla í þessum búnaði geti skilað umtalsverðum tekjum í framtíðinni. Á fimmta hundrað smábáta höfðu aflamark eða krókaaflamark 1. september 2011 og ekki vitað að nokkur þeirra hafi blóðgunarbúnað um borð til að tryggja góða blóðgun á þorsk og ýsu. Ef hægt er að sýna fram á virkni búnaðarins má reikna með að umtalsverður fjöldi báta muni fjárfesta í slíkum búnaði. „Framleiðsla á „Rotex“-búnaði gæti skilað miklum tekjum fyrir 3X Technology þó mesti ávinningurinn sé með aukinni verðmætasköpun afla smærri línuskipa.“ segir Shiran.

Nánari upplýsingar veitir Gunnar Þórðarson, stöðvarstjóri á Ísafirði.

_{Ofangreind frétt að hluta birtist fyrst á vef Bæjarins besta á Ísafirði (www.bb.is, gudmundur@bb.is).}

Sprotafyrirtækið Marinox framleiðir nú húðkrem eftir áralanga rannsókna- og þróunarvinnu á efnum sem finna má í íslenskum sjávarþörungum og innihalda mjög mikla líf- og andoxunarvirkni.

UNA skincare eru háþróuð íslensk húðkrem sem eru nýkomin á markað. Íslenska nýsköpunarfyrirtækið Marinox, sem er að hluta til í eigu Matís, framleiðir þessi krem eftir áralanga rannsókna- og þróunarvinnu. Um er að ræða bæði endurnærandi dagkrem og uppbyggjandi næturkrem sem innihalda þessi einstöku lífvirku efni.

Sjávarþörungar eru mjög vannýtt auðlind á Íslandi, en þeir innihalda aragrúa af heilsusamlegum lífefnum sem hægt er að nýta í margvíslegar afurðir. Fyrirtækið Marinox hefur þróað náttúrulega aðferð til að einangra og framleiða virk efni úr þessari einstöku íslensku auðlind og þar með tryggja hámarksvirkni þeirra. Rannsóknir sýna fram á mjög jákvæð áhrif náttúrulegra efna úr sjávarþörungum á húðina. Lífvirku þörungaefnin í UNA skincare kremunum innihalda m.a. mikið af mjög öflugum náttúrulegum andoxunarefnum, lífvirkum fjölsykrum, amínósýrum, vítamínum og steinefnum. Þessi efni m.a. berjast gegn frjálsum hvarfeindum (e. free radicals) og húðöldrun, draga úr bólgum og roða, auk þess að bæta teygjanleika húðarinnar og veita henni raka.

Samspil hafs og vísinda hjálpar þannig til við að varðveita náttúrulega fegurð húðarinnar!

UNA kremin innihalda einnig önnur öflug virk efni sem koma í veg fyrir og draga úr fínum línum og hrukkum, auk þess að endurnæra og byggja upp húðina. Kremin, sem innihalda hátt magn náttúrulegra og lífrænna innihaldsefna, eru án litarefna, ilmefna og parabenefna. Umfangsmiklar neytendaprófanir hafa átt sér stað þar sem yfir 90 konur prófuðu kremin. Sýndu þessar prófanir fram á framúrskarandi árangur kremanna. Meirihluti þeirra sem tóku þátt í langtímaprófi á snyrtivörunum sáu marktækan jákvæðan mun á húð sinni og minnkun á fínum línum og hrukkum. Yfir 90% þeirra sem tóku þátt myndu hiklaust mæla með kreminu við aðra. UNA skincare kremin eru komin í sölu á 32 útsölustöðum út um allt land. Frekari upplýsingar um þessi einstöku krem má finna á www.unaskincare.com.

Marinox er íslenskt nýsköpunarfyrirtæki til húsa að Vínlandsleið 14, 113 Reykjavík. Rannsókna- og þróunarvinna lífvirku efnanna og kremanna hefur farið fram í náinni samvinnu við Matís í Reykjavík og á Sauðárkróki.

Nánari upplýsingar veitir dr. Hörður G. Kristinsson, framkvæmdastjóri Marinox (hordur@unaskincare.com eða 858-5063).

Fyrir stuttu vörðu nokkrir nemendur í auðlindafræði, með áherslu á líftækni, ritgerðir sínar við Háskólann á Akureyri en líftæknin er einmitt ein þeirra greina sem gætu skapað þjóðarbúinu umtalsverðar tekjur um ókomna tíð.

Þessir nemendur eiga að það sameiginlegt að hafa allar notið leiðsagnar starfsmanna Matís. Nemendurnir eru:

• Guðný Helga Kristjánsdóttir. Verkefnið „Mælingar á astaxanthin og næringarefnum úr frárennslisvökva kítósanvinnslu“. Unnið í samstarfi við Primex (lokað verkefni) – leiðbeinandi var Rannveig Björnsdóttir hjá Matís.
• Hanna Rún Jóhannesdóttir. Verkefnið „Samband hreinleika nautgripa á fæti og örveruflóru á yfirborði skrokkanna“. Unnið í samstarfi við Norðlenska (lokað verkefni) – leiðbeinandi var Rannveig Björnsdóttir hjá Matís.
• Guðrún Kristín Eiríksdóttir:  Verkefnið „Áhrif hitastigs á tjáningu próteina í bleikjuhjörtum. Greint með próteinmengjagreiningu“. Unnið í samstarfi við Háskólann á Hólum (opið verkefni) – leiðbeinandi var Hólmfríður Sveinsdóttir hjá Matís.

Nánari upplýsingar veita Hólmfríður og Rannveig hjá Matís.

Næsta sjávarútvegsráðstefna verður haldin á Grand Hótel, dagana 8.-9. nóvember. Hér er um að ræða þriðju ráðstefnu Sjávarútvegsráðstefnunnar ehf. og hefur hún fengið heitið Horft til framtíðar.

Málstofur
Málstofum hefur verið gefið eftirfarandi vinnuheiti:
– Íslenskur sjávarútvegur
– Eiga Íslendingar að vera með sameiginlegt markaðsstarf?
– Framtíðartækifæri í fiskeldi
– Allt  hráefni á land?
– Er framtíð í fullvinnslu á Íslandi?
– Heimsframboð á samkeppnistegundum Íslendinga
– Heimsframboð samkeppnistegunda í uppsjávarfiski
– Sjávarútvegsstefna Íslands og ESB
 
Endanlegt heiti málstofa á eflaust eftir að breytast, án þess þó að breyting verði gerð á efnistökum. Við stefnum að því að dagskrá Sjávarútvegsráðstefnunnar 2012 verði komin á vef hennar í júní.Ráðstefnuráð

Stjórn félagsins er ráðstefnuráð og ákveður efnistök á ráðstefnunni og sér um að velja fyrirlesara. Eftirtaldir sitja nú í stjórn Sjávarútvegsráðstefnunnar:
Kristján Hjaltason, formaður
Anna Kristín Daníelsdóttir
Finnbogi Alfreðsson
Hjörtur Gíslason
Lúðvík Börkur Jónsson
Inga Jóna Friðgeirsdóttir

Fimmtudaginn 28. júní mun Hugrún Lísa Heimisdóttir verja meistararitgerð sína á sviði líftækni við auðlindadeild HA. Vörnin byrjar kl. 10:00 og verður í stofu R312 á Borgum. Tveir starfsmenn Matís voru leiðbeinendur Hugrúnar í náminu.

Heiti ritgerðar Hugrúnar Lísu er „Effects of fish protein hydrolysate-enhanced live prey on cod (Gadus morhua L.) larval development: Protein expression and stimulation of selected innate immune parameters“

Í ritgerðinni fjallar Hugrún Lísa um áhrif fæðudýra sem auðguð voru með fiskpeptíðum á vöxt og þroska þorsklirfa. Í rannsóknum sínum notaði Hugrún Lísa tvenns konar aðferðir. Í fyrsta lagi beitti hún ónæmisvefjalitun til að meta áhrif peptíðbættu fæðudýranna á lykilþætti í ósérhæfðri ónæmissvörun þorsklirfanna. Í öðru lagi beitti Hugrún Lísa prótínmengjagreiningu með tvívíðum rafdrætti og kennigreiningu prótína með tvímassagreiningu til að rannsaka áhrif peptíðbættu fæðudýranna á prótíntjáningu í meltingarvegi lirfanna, en prótínmengjagreining á meltingarvegi þorsks hefur ekki verið reynd áður svo vitað sé og gefa niðurstöður til kynna að þessi aðferðafræði geti hentað til rannsókna á svörun þorsklirfa við breytingum á fóðursamsetningu. Ónæmisvefjalitunin gaf jafnframt til kynna að auðgun fæðudýra með fiskpeptíðum stuðli að sterkbyggðari vefjalögum og hafi þannig jákvæð áhrif á þroskun þorsklirfa.

Hugrún Lísa lauk bakkalárprófi (B.Sc.) í líftækni frá auðlindadeild HA vorið 2010. Hún hefur unnið rannsóknavinnu sína og ritgerð undanfarin tvö ár og hefur hlotið til þess styrki frá Rannsóknasjóði HA, Matís ohf. og Iceprotein Ltd.

Leiðbeinendur Hugrúnar Lísu eru dr. Oddur Vilhelmsson, dósent við auðlindadeild HA, dr. Hólmfríður Sveinsdóttir, sérfræðingur hjá Matís ohf., og Jónína Jóhannsdóttir, M.Sc., sérfræðingur hjá Matís ohf. Andmælandi er dr. Bjarnheiður K. Guðmundsdóttir, aðjunkt við læknadeild Háskóla Íslands og sérfræðingur við Tilraunastöð Háskóla Íslands í meinafræði að Keldum.

Nánari upplýsingar veitir Hólmfríður Sveinsdóttir hjá Matís.

_{Ofangreind frétt birtist fyrst á heimasíðu Háskólans á Akureyri, www.unak.is.}

Tuttugasta landsmótið fer fram í Reykjavík að þessu sinni. Matís kynnir starfsemi sína á mótinu en hjá fyrirtækinu er unnið með hesta- og hundaeigendum t.a.m. að með foreldragreiningum á hundum og hestum með erfðarannsóknum.

Matís býður gesti og gangandi velkomna á bás fyrirtækisins þá daga sem landsmótið stendur yfir.

Um foreldragreiningar Matís
Verkefnin felast m.a.í erfðagreiningum á nytjastofnum og villtum stofnum og úrvinnslu gagna ásamt raðgreiningum á erfðaefni lífvera og leit að nýjum erfðamörkum og þróun á erfðagreiningarsettum.

DNA greiningar eru m.a. notaðar í fiskeldi til að velja saman fiska til undaneldis. Þetta getur hraðað kynbótum og aukið varðveislu erfðabreytileikans. Á villtum stofnum eru erfðagreiningar notaðar til rannsókna á stofnum og stofneiningum. Má þar nefna lax, þorsk, leturhumar, síld, sandhverfu, langreyði o.fl. tegundir. Nota má erfðagreiningar við rekjanleikarannsóknir og tegundagreiningar hvort sem um er að ræða egg, seiði, flak úr búðarborði eða niðursoðinn matvæli.

Erfðagreiningar hafa verið notaðar í mannerfðafræði undanfarna áratugi en þessari tækni er nú í vaxandi mæli beitt í dýrafræði og sér í lagi er hún mikilvæg við rannsóknir á villtum sjávarstofnum. Þá er einnig mikilvægt markmið að þróa svipgerðartengd erfðamörk en góð erfðamörk eru grundvöllur árangursríkra rannsókna af þessu tagi.

Matís er eina fyrirtækið á Íslandi sem hefur markvisst byggt upp erfðagreiningar á dýrum.

Nánar hér.

Um landsmótið (af www.landsmot.is)

Saga Landsmótanna nær aftur til 1950 þegar fyrsta Landsmótið var haldið á Þingvöllum. Þar voru sýnd 133 hross, kynbótahross, gæðingar og kappreiðahross. Á þeim tíma var aðeins keppt í einum flokki gæðinga sem var flokkur alhliða gæðinga, auk kappreiða og kynbótasýninga.

Eftir það voru haldin Landsmót á fjögurra ára fresti, allt þar til að á ársþingi Landssambands Hestamannafélaga 1995 var samþykkt að halda Landsmót á tveggja ára fresti. Fyrsta mótið sem haldið var eftir þeim reglum, þ.e. á tveggja ára fresti var Landsmót í Reykjavík árið 2000.

Mótin hafa vaxið gríðarlega að umfangi sérstaklega hvað keppnishlutann varðar og fjölda hrossa. Það er þó áhugavert að á fyrsta Landsmót hestamanna á Þingvöllum árið 1950 sóttu um 10.000 gestir mótið. Aðsóknarmet var slegið á Gaddstaðaflötum árið 2008 þar sem hátt í 14.000 gestir, knapar, starfsmenn og sjálfboðaliðar komu saman.  

Landsmót hestamanna hefur verið stærsti íþróttaviðburður landsins frá upphafi, enda er Landssamband hestamannafélaga þriðja stærsta sérsambandið innan ÍSÍ, með rúmlega 11.000 félagsmenn.

Á svölum höfuðstöðva Matís fer fram áhugaverð framleiðsla. Þar eru gróðurkassar sem í er ræktað er ýmislegt girnilegt. Nú síðast var uppskera á spínati og graslaukurinn verður nýttur von bráðar.

Starfsmenn sem voru í hádegismat daginn sem uppskeran var matreidd fengu því í kroppinn ferskasta grænmeti sem um ræðir enda spínatið með endemum bragðmikið og stútfullt af vítamínum og steinefnum.

Hér má sjá nokkrar myndir úr kössunum og úr mötuneytinu og er óhætt að segja að þær tali sínu máli.

Fiskur er með allra viðkvæmustu matvælum og því lögð mikil áhersla á að varðveita ferskleika hans og forðast skemmdir. Óumdeilt er mikilvægi þess að að kæla fisk vandlega strax eftir að hann er veiddur.

Matvælalöggjöfin hefur að geyma margvísleg ákvæði um kælingu fiskjar og annarra matvæla. Í henni er kveðið skýrt á um að halda beri órofinni kælikeðju frá veiðum, til og við vinnslu matvæla og þau kæld eins fljótt og auðið er.

Kannanir hér á landi hafa leitt í ljós að kæling landaðs botnfiskafla er ónóg í mörgum tilvikum og mörg dæmi þess að fiski sé landað illa ísuðum eða jafnvel óísuðum. Á þetta einkum við um afla úr veiðiferðum sem vara skemur en 24 klukkustundir.  Þá er of  algengt að fiskur sem geymdur er utandyra sé ekki varinn fyrir sól og utanaðkomandi mengun eins og góðir framleiðsluhættir kveða á um.

Því hefur sjávarútvegs- og landbúnaðarráðuneytið gefið út reglugerð til þess að taka af öll tvímæli um það hvaða reglur gilda í þessum efnum.  Reglugerðin tekur ekki gildi fyrr en 1. september 2012 til þess að gefa þeim aðilum sem eru vanbúnir að fylgja ákvæðum hennar svigrúm til þess að koma sér upp nauðsynlegum búnaði í samræmi við það sem reglugerðin kveður á um.

Reglugerð um (4.) breytingu á reglugerð nr. 104/2010 um gildistöku reglugerðar Evrópuþingsins og ráðsins (EB) nr. 853/2004 um hollustuhætti sem varða matvæli úr dýraríkinu, auk áorðinna breytinga.

_{Fréttin birtist fyrst á heimasíðu sjávarútvegs- og landbúnaðaráðuneytis, www.sjavarutvegsraduneyti.is.}

Í dag 18. júní verður haldinn kynningarfundur á starfsemi Matís og nýrri starfsstöð fyrirtækisins. Fundurinn fer fram í félagsheimilinu á Bíldudal og hefst kl. 17.

Sérfræðingar frá Matís í Reykjavík, Snæfellsnesi og sunnanverðum Vestfjörðum verða á staðnum til að kynna starfsemina og þá möguleika sem felast í opnun starfsstöðvar Matís á sunnanverðum Vestfjörðum og á Snæfellsnesi

Allir sem áhuga hafa eru boðnir velkomnir á fundinn til að kynna sér starfsemi Matís og hvaða möguleikar eru í boði á rannsóknum og aðstoð Matís við uppbyggingu atvinnulífs á svæðinu.  Matís er þekkingar- og rannsóknafyrirtæki sem vinnur að þróun og nýsköpun i matvælaiðnaði, líftækni og matvælaöryggi. Matís veitir ráðgjöf og þjónustu til fyrirtækja í sjávarútvegi og landbúnaði, sem og íslenska ríkinu. Sem dæmi kemur Matís að þróun á nýjum vörum og ferlum fyrir fyrirtæki og hefur mikilvægu hlutverki að gegna varðandi gæði og öryggi matvæla.

Matís mun vinna með fyrirtækjum, sveitastjórnum og einstaklingum á svæðinu sem munu geta nýtt sér sérfræðiþekkingu Matís til uppbyggingar sinnar eigin starfsemi. Starfsemi Matís við Breiðafjörð byggir á traustu og öflugu samstarfi við heimamenn enda hafa þeir haft frumkvæði að þeirri uppbyggingu sem Matís ræðst nú í.

Mikil tækifæri eru til aukinnar verðmætasköpunar á svæðinu. Sjávarútvegur er lykilatvinnugrein í stöðugri þróun en auk þess liggja sóknarfæri í uppbyggingu fiskeldis og nýtingu annarra hráefna á svæðinu. Á sunnanverðum Vestfjörðum er mikil gróska í fiskeldi og kröftug uppbygging á því sviði. Starfsemi Matís mun styðja við nauðsynlega rannsókna- og þróunaruppbyggingu í tengslum við fiskeldi, en horft er til þess að þjónusta við eldistengda starfsemi verði eitt helsta viðfangsefni starfsmanna Matís á svæðinu.  Þar sem stærsti kostnaðarliður fiskeldis liggur í fóðri og fóðrun er ekki hvað síst horft til þróunar er lýtur að lágmörkun fóðurkostnaðar.

Efling matvælaframleiðslu mun gegna lykilhlutverki í aukinni verðmætasköpun á sunnanverðum Vestfjörðum og við Breiðafjörðinn. Einstaklingar og fyrirtæki sem áhuga hafa á framleiðslu á matvælum úr hráefni af svæðinu eru sérstaklega boðnir velkomnir á fundinn til að kynna sér starf Matís og þau tækifæri sem það hefur upp á að bjóða til frekari vöruþróunar og framleiðslu. Fullvinnsla afurða skapar verðmæta vöru og aukna tekjumöguleika ásamt fjölbreyttara atvinnulífi og meira vöruúrvali. Sunnanverðir Vestfirðir hafa mikla möguleika á meiri úrvinnslu úr því hráefni sem hér er framleitt til sjós og lands og án efa eru margar hugmyndir hjá íbúum svæðisins sem eru vel þess virði að hrinda í framkvæmd.

Starfsfólk Matís hvetur alla áhugasama til að koma og kynna sér starfsemina, hitta starfsfólkið og ræða málin. Við hlökkum til að takast á við komandi verkefni með sveitarfélögunum á svæðinu, fyrirtækjum og heimamönnum öllum og bjóðum ykkur velkomin á fundinn.

Matís, Vínlandsleið 12, Reykjavík, 422-5000, matis@matis.is og starfsfólk Matís á sunnanverðum Vestfjörðum.

Nánari upplýsingar veita:
Lilja Magnúsdóttir, 858-5085, liljam@matis.is
Hólmgeir Reynisson, 867-4553, holmgeir@matis.is