Nú er fyrsta Íslandsmeistarakeppnin í matarhandverki yfirstaðin. Keppnin var að þessu sinni opin fyrir allar Norðurlandaþjóðirnar og fór fram í Norræna húsinu 13. nóvember.
Matís og Ný norræn matvæli II stóðu að þessari keppni.
Samhliða keppninni var haldin ráðstefna þar sem hægt var að fræðast um hvernig frændur okkar á Norðurlöndunum hafa stutt og markaðssett matarframleiðslu úr héraði. Ráðstefnan var styrkt af Íslandsstofu, Icelandair, Norræna húsinu og Mjólkursamsölunni.
Keppendur voru frá öllum Norðurlöndunum og voru skráðar 110 vörur.
Keppt var í 8 mismunandi flokkum.
Hér má sjá lista yfir vinningshafa:
Mjólkurafurðir:
Gull Arla Unika, Sirius (ostur), Danmörk
Silfur Den Blinde ku, Blåmandag (ostur), Noregur
Brons Skärvångens bymejeri, Rosalina (ostur), Svíþjóð
Kjötafurðir:
Gull Sjónarsker, Klettur (þurrkryddaður, saltaður og reyktur lærvöðvi), Ísland
Silfur Bjarteyjarsandur, Birkireyktur bláberjavöðvi, Ísland
Brons Bjärhus gårdsbutik, Bjärhus ölpinne (þurrkuð hrápylsa), Svíþjóð
Fiskafurðir:
Gull Leif Sørensen, Fish chips, Færeyjar
Silfur Sólsker, Makrílpate, Ísland
Brons Sólsker, Heitreyktur makríll, Ísland
Ber, ávextir og grænmeti:
Gull Útoyggjafelagið, Meadowsweet syrup, Færeyjar
Silfur Útoyggjafelagið, Rabarbusaft, Færeyjar
Silfur Holt og heiðar, Rabarbarasulta með vanillu, Ísland
Bakstur:
Gull Cum Pane ekologisk bakverkstad, Fröknäcke (hrökkbrauð), Svíþjóð
Súrdeigs bakstur:
Gull Sandholt, Reykt graskersbrauð, Ísland
Silfur The Coocoo’s Nest, Súrdeigsbrauð, Ísland
Nýsköpun í matarhandverki:
Gull Örtagård Öst, Skuren marmelad, Svíþjóð
Silfur Urta Islandica, SPRETTUR-orku og úthalds jurtate fyrir íþrótta- og fjallgöngufólk, Ísland
Salt:
Gull Saltverk, Birkireykt salt, Ísland
Silfur Norður & Co, Norðursalt – íslenskt flögusalt, Ísland
Nánari upplýsingar veitir Gunnþórunn Einarsdóttir hjá Matís.