Hafrarækt er ný og vaxandi grein innan kornræktar á Íslandi. Í verkefninu er leitað að heppilegum hafrayrkjum fyrir ræktun á Íslandi.
Tilraunaræktun fer fram á nokkrum stöðum á landinu. Verkefninu er stýrt af Landbúnaðarháskóla Íslands og gera starfsmenn skólans ræktunartilraunir. Matís sér um að meta gæði uppskerunnar og kemur skynmatshópur Matís þar við sögu. Verkefnið hófst 2021 og því lýkur 2022. Styrktaraðili er Matvælasjóður.