News

Stefnumót um verðmætaaukningu og nýsköpun í landbúnaði

Matís, Bændasamtök Íslands, Landbúnaðarháskóli Íslands og Ráðgjafarmiðstöð landbúnaðarins standa fyrir viðburði um verðmætaaukningu og nýsköpun í landbúnaði á Hótel Natura, miðvikudaginn 30. mars.

Við hvetjum hagaðila og áhugafólk til þess að mæta og taka þátt í umræðum og tengslamyndun.

Frekari upplýsingar má finna hér: Stefnumót um verðmætaaukningu og nýsköpun í landbúnaði.

Agenda:

  • 13:00 – Gunnar Þorgeirsson setur fundinn og skipar fundarstjóra
  • 13:10 – Birgir Örn Smárason – Matís
    Framtíð og tækifæri í landbúnaði – sjálfbærni og fæðuöryggi
  • 13:30 – Ragnheiður I Þórarinsdóttir – LbhÍ
    Menntun, innviðir og rannsóknir – forsenda verðmætaaukningar og nýsköpunar í landbúnaði
  • 13: 50 – Karvel L. Karvelsson – RML
    Hagnýt nálgun að verkefnum bænda
  • 14:10 Kaffi hlé
  • 14:30– Hugarflug
  • 15:30 – Fundarlok

Verið hjartanlega velkomin.

News

Grænir Frumkvöðlar Framtíðar á Sauðárkróki í sjónvarpsfréttum

Verkefnastjórar í verkefninu Grænir Frumkvöðlar Framtíðar stóðu í vikunni fyrir nýsköpunarkeppni, svokölluðu MAKEathoni, meðal barna í 9. bekk í Árskóla á Sauðárkróki.

Fjallað var um MAKEathonið í kvöldfréttum RÚV í vikunni en það var það fyrsta af þremur sem haldið verður í tengslum við Grænu Frumkvöðlana. Tekin voru viðtöl við kennara og nemendur í Árskóla auk þess sem Justine Vanhalst, verkefnastjóri hjá Matís, útskýrði frumgerðirnar sem krakkarnir gerðu í keppninni.

Fréttin er aðgengileg á vef RÚV hér: The Green Entrepreneurs of the Future

Hér er hægt að fylgjast með gangi verkefnisins:

News

Málþing um samlífi manna og örvera frá skyri til moltugerðar

Málþing um samlífi manna og örvera frá skyri til moltugerðar verður haldið á Þjóðminjasafni Íslands þann 31. mars næstkomandi frá 12:00-13:30. 

Dagskrá viðburðarins:

  • Valdimar Tr. Hafstein, prófessor í þjóðfræði við Háskóla Íslands:
    Öndvegisverkefni um samlífi manna og örvera í daglega lífinu. 
  • Jón Þór Pétursson, nýdoktor við Háskóla Íslands:
    “Móðurkúltúr”: Skyrgerlar, mjaltastúlkur og ofurkonur. 
  • PhD Veera Kinnunen, university lecturer (sociology, Faculty of Social Sciences) University of Lapland, Rovaniemi, Finland:
    Bokashi composting as multispecies waste care. 

Fundarstjóri er Áki Guðni Karlsson. 

Fylgjast má með upplýsingum um málþingið á viðburðarsíðu á facebook hér: Málþing um samlífi manna og örvera frá skyri til moltugerðar


Málþingið er hluti af verkefninu SYMBIOSIS- Samlífi manna og örvera í daglega lífinu, sem Matís hefur unnið að ásamt Háskóla Íslands með styrk frá Öndvegissjóði RANNÍS frá því 2021.

Í þessu þverfræðilega verkefni er samlífi manneskja og örvera á Íslandi rannsakað og sjónum beint að því hvernig þetta samlífi mótast í hversdagslegum athöfnum fyrr og nú. Verkefnið rannsakar sköpunarmátt örveranna í matarháttum og daglegu lífi; það fylgir þeim allt frá ræktun, bakstri, bruggun, súrsun og skyrgerð, í gegnum meltingarkerfið og aftur ofan í jarðveginn með moltugerð, og það rannsakar áhrif þessa samlífis á líkamlega, andlega og félagslega velferð fólks.

Further information about the project can be found on its project page here: SYMBIOSIS coexistence of humans and microorganisms in daily life

News

Starf sérfræðings í örveru- og lífupplýsingafræði

Matís auglýsir eftir sérfræðingi í örveru- og lífupplýsingafræði.

Area of work:

  • Þátttaka í mismunandi verkefnum sem tengjast örverum í matvæla-, umhverfis- og líftæknirannsóknum.
  • Þátttaka í umsóknarvinnu til innlendra og erlendra sjóða.
  • Vinna við örveru og sameindalíffræðilegar rannsóknir á rannsóknarstofu og úrvinnsla gagna. Þáttaka í sýnatökum þegar svo ber undir.
  • Skipuleggja verkefni og vinna úr ýmsum lífupplýsingum eins og raðgreiningargögnum.
  • Verkefnastjórnun, skila niðurstöðum á réttum tíma og fylgja kostnaðaráætlun.
  • Kenna og leiðbeina nemendum.

Qualification requirements:

  • Framhaldsgráða í Líffræði, Örverufræði, Líftækni eða skildum greinum.
  • Mjög góð þekking og reynsla í örverufræði- og sameindafræðiaðferðum.
  • Mjög gott vald á ensku til að geta miðlað þekkingu bæði skriflega og munnlega.
  • Geta til að skrifa vísindaskýrslur, vísindagreinar og umsóknir.
  • Hugmyndaauðgi, metnaður og lausnamiðað hugarfar.
  • Geta til að vinna bæði sjálfstætt og í hópi í mismunandi verkefnum Matís.
  • Staðgóð þekking í lífupplýsingafræði og tölfræði.
  • Góð sérfræðiþekking á tölfræði og lífupplýsingafræði.
  • Kennslufærni.
  • Íslenskukunnátta æskileg.

Starfshlutfall er 100% og er starfið staðsett á Vínlandsleið 12, 113 Reykjavík.

Með vísan í jafnréttisstefnu Matís eru öll kyn hvött til að sækja um. Umsóknum þarf að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda í viðkomandi starf. Einnig þarf að fylgja nafn og símanúmer eða tölvupóstfang hjá tveimur meðmælendum sem geta staðfest hæfni umsækjanda.

Umsóknarfrestur er til 08.04 2022

Nánari upplýsingar um starfið veitir Dr. Viggó Marteinsson, viggo@matis.is.


Specialist in microbiology and bioinformatics

Position profile:

  • Involvement in a variety of different projects in the field of food, environmental and biotech related microbiology research
  • To apply successfully for national and international research project funding
  • Required to do office, laboratory, and occasionally field work
  • Planning and conducting experimental work and analysing data, including bioinformatic analyses
  • Managing projects, ensuring timely achievement of milestones and deliverables within an agreed budget
  • Teaching and co-supervision of students

Required qualification & skills:

  • PhD degree in Biology, Microbiology, Biotechnology, or any other relevant scientific discipline
  • Knowledge and experience in microbiological and molecular biological methods
  • Proficient at adapting and using bioinformatics pipelines
  • Excellent communication skills (oral & written) in English
  • Ability to write and submit scientific reports, publications and grant proposals
  • Creative and passionate about optimiation and problem-solving
  • Ability to work both independently and as part of different teams (within the Microbiology Group, Matís and international projects)
  • Good knowledge of bioinformatics and statistics
  • Teaching skills
  • Knowledge of Icelandic is desirable

The position is full employment (100%) and will be carried out at Matís headquarters at Vínlandsleið 12, 113 Reykjavík.

With reference to Matís’ gender equality policy, all genders are encouraged to apply. Applicants should provide a curriculum vitae and motivation letter outlining their qualifications and interests. They will be required to provide the names and contact information for two professional references who can attest to the applicant‘s capabilities.

The application deadline is 08.04.2022

For further information, please contact Dr. Viggó Marteinsson,  viggo@matis.is.

News

Fyrsta MAKEathonið í verkefninu Grænir Frumkvöðlar framtíðar

Á morgun, þann 22. mars, fer fram fyrsta MAKEathon verkefnisins Grænir Frumkvöðlar Framtíðar (GFF) af þremur, í Árskóla á Sauðárkróki. Hin MAKEathonin tvö fara fram fyrir páska í Grunnskóla Bolungarvíkur og Nesskóla í Neskaupstað. MAKEathon verkefnið er nýsköpunarkeppni sem stendur yfir tvo daga

Í þessu fyrsta MAKEathoni taka 31 nemandi í níunda bekk  þátt. Þeir vinna saman í teymum sem keppast við að kynna lausn á áskoruninni:

Hvernig getum við dregið úr notkun plasts við pökkun fisks og rækju?

Þeir reyna að búa til einhverskonar frumgerð (e. prototype), m.a. í samstarfi við FabLab Íslands smiðju á hverjum stað auk þess sem starfsfólk Matís verður á staðnum til aðstoðar.

Nemendur komu auga á áskorunina þegar þeir fengu heimsóknir sjávarútvegsfyrirtækjunum Dögun og FISK Seafood og fengu fræðslu um starfsemi þeirra, sem var einn þáttur GFF verkefnisins. Þar að auki fengu þeir innsýn í mögulegar áskoranir hvað varðar áhrif  loftslagsbreytinga á hafið og þeirra nærumhverfi en það var hluti af einni vinnustofu verkefnisins, vinnustofu 4. 

Allt efni GFF verður gert aðgengilegt eftir að verkefninu lýkur.

Verkefnið Grænir Frumkvöðlar Framtíðar hófst í skólunum í september 2021 og MAKEathonin eru síðasti hluti verkefnisins. Landskeppni á milli skólanna þriggja fer fram í maí og verða úrslit hennar kynnt í Nýsköpunarvikunni, þann 20. maí. Verkefnið er styrkt af Loftslagssjóði.

Sjónvarpsstöðin N4 hefur í vetur tekið upp efni fyrir sjónvarpsþátt um verkefnið og verða því kvikmyndatökumenn frá þeim á staðnum. Þátturinn verður sýndur á sjónvarpsstöðinni í haust og þar verður verkefnið kynnt í heild sinni.

Fyrir frekari upplýsingar er bent á að hafa samband við verkefnastjóra verkefnisins Justine Vanhalst í gegnum tölvupóstfangið Justine@matis.is. Þá eru skólar sem vilja taka þátt í framtíðinni sérstaklega hvattir til að hafa samband.

Hér er hægt að fylgjast með gangi verkefnisins:

News

Áhrif innrásar Rússa í Úkraínu og sjálfbærni í matvælaframleiðslu

Birgir Örn Smárason, umhverfis- og auðlindafræðingur og fagstjóri hjá Matís á Akureyri var gestur í Morgunútvarpi Rásar 2 í vikunni ásamt Jóni Bjarka Bentssyni aðalhagfræðingi Íslandsbanka.

Umræðuefni þeirra var áhrif innrásar Rússa í Úkraínu á efnahag og matvælaiðnaðinn á Íslandi hingað til auk þess sem þeir spáðu í hver áhrifin gætu orðið til lengri tíma.

Birgir fjallaði um að stríðið myndi að öllum líkindum hafa mikil áhrif á framboð og verð matvæla á heimsvísu vegna þess að um þessar mundir er að koma að gríðarlega mikilvægum tíma í matvælaframleiðslu á norðurhveli jarðar. Þar á hann við tíma vorverka í landbúnaði sem aðstæður í Rússlandi og Úkraínu hafa óhjákvæmilega neikvæð áhrif á. Bæði Úkraína og Rússland eru meðal stærstu útflytjenda heims á ýmsum landbúnaðarvörum svo sem matvælum, t.d. korni, maís, hrísgrjónum og grænmetisolíu en einnig áburði. Löndin tvö eru að auki stórir útflutningsaðilar á olíu, gasi og fleiru sem mikilvægt er svo vörur komist milli landa. Vegna innrásarinnar og viðskiptaþvingana í kjölfar hennar má því gera ráð fyrir að matvælaverð muni hækka töluvert á næstu misserum.

Þeir Jón Bjarki og Birgir fjölluðu einnig um að  þó svo að íslensk matvælaframleiðsla sé að mörgu leyti ennþá háð influttum vörum eins og áburði, olíu og hveiti þá séu einnig ýmis tækifæri sem blasa við og möguleikar á því að gera innlenda matvælaframleiðslu sjálfbærari. Birgir nefndi dæmi um verkefni sem unnin hafa verið að hjá Matís undanfarna mánuði og ár á borð við þróun á lífrænum, umhverfisvænum áburði úr vannýttum auðlindum and framleiðslu á skordýrum, einfrumupróteini úr hliðarafurðum íslenskra skóga og örþörungum. Auk þess benti hann á að hér væru enn ýmis tækifæri í ræktun á grænmeti og korni og nýtingu á þangi og þara.  

Viðtalið má hlusta á í heild sinni á vef Rásar 2 hér: Morgunútvarpið. Viðtalið við Birgi og Jón Bjarka hefst á mínútu 01:07:00

News

Er repjumjöl góður fóðurgjafi fyrir lax?

Nýlega lauk AVS verkefninu „repjumjöl í fóðri fyrir lax 2“. Markmið verkefnisins var að kanna áhrif innblöndunar á repjumjöli í fóður á vöxt, fóðurnýtingu og efnainnihald flaka hjá laxi.

Gerðar voru tilraunir með 5 tegundir af fóðri með mismunandi hlutfalli af innblönduðu repjumjöli og svo standard fóðri til samanburðar. Upphafsþyngd fiskanna var 350 grömm og stóð tilraunin yfir í átta mánuði en á þeim tíma fjórfölduðu fiskarnir sig í þyngd. Niðurstöður verkefnisins voru fjölmargar, en upp úr stendur að allt að 10% innblöndun repjumjöls í vaxtarfóður fyrir lax virðist ekki hafa mælanleg neikvæð áhrif á vöxt, fóðurnýtingu eða holdgæði smálaxa.

Farið verður með lokaskýrslu verkefnisins sem trúnaðarmál til 1. janúar 2024, en að þeim tíma liðnum verður unnt að nálgast skýrsluna á heimasíðu Matís.

Frekari upplýsingar veita Birgir Örn Smárason hjá Matís birgir@matis.is
og Ólafur Ingi Sigurgeirsson hjá Háskólanum á Hólum olisig@holar.is.

News

Starf við sjálfbæra matvælaframleiðslu og nýsköpun

Hvernig getum við aukið framboð matvæla og eflt matvælaframleiðslu án þess að ganga á auðlindir með ósjálfbærum hætti? Hvernig getum við nýtt aukaafurðir til verðmætasköpunar innan hringrásahagkerfis lífauðlinda? Hver eru umhverfisáhrif matvæla?

Matís vinnur markvisst að því að auka sjálfbærni og verðmætasköpun í matvælaframleiðslu til eflingar íslenskra afurða og atvinnulífs og nú leitum við að sérfræðingi sem getur hjálpað okkur við að svara þessum spurningum.

Ef þú hefur brennandi áhuga og þekkingu á sjálfbærni og vilja til að taka þátt í að móta stefnu okkar á sviði sjálfbærrar matvælaframleiðslu gætir þú verið rétti aðilinn. Starfið felur í sér vinnu við nýsköpunar- og rannsóknarverkefni sem og ráðgjöf og þjónustu til viðskiptavina varðandi sjálfbæra matvælaframleiðslu; greining á umhverfisáhrifum, kolefnisspori, nýtingu auðlinda innan hringrásarhagkerfis svo fátt eitt sé nefnt.

Í þessu starfi tekur þú þátt í að:

  • Vinna við og móta nýsköpunar- og rannsóknarverkefni á sviði sjálfbærrar matvælaframleiðslu
  • Greina umhverfisáhrif matvælaframleiðslu; allt frá fiskveiðum og landbúnaði til skordýra og örþörunga
  • Móta enn frekar stefnu fyrirtækisins í umhverfismálum og styðja við innleiðingu hennar

Hæfni og reynsla:

  • Háskólamenntun sem nýtist í starfi, t.d. umhverfisfræði, auðlindafræði, umhverfisverkfræði
  • Þekking og reynsla á hugtökum og aðferðafræðum á borð við lífsferilsgreining (LCA), kolefnisspor, hringrásarhagkerfi
  • Góð samskiptahæfni og vilji til að vinna í teymi
  • Gott vald á íslensku og ensku, í ræðu og riti
  • Frumkvæði, skipulögð og sjálfstæð vinnubrögð

Starfshlutfall er 100% 

Starfið er án staðsetningar en starfsstöðvar Matís eru Í Reykjavík, Neskaupstað, Vestmannaeyjum, á Akureyri og Ísafirði.

Nánari upplýsingar um starfið veitir Birgir Örn Smárason, birgir@matis.is

Með vísan í jafnréttisstefnu Matís eru öll kyn hvött til að sækja um. Umsóknum þarf að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda í viðkomandi starf. 

Umsóknarfrestur er til 3. mars 2022. 

//

Sustainable food production and innovation

How can we increase the supply of food and strengthen food production without depleting resources in an unstustainable way? How can we use by-products to create value within the circulareconomy? What are the environmental impacts of food?

Matís works systematically on increasing sustainability and value creation in food production to strengthen Icelandic products and the economy, and now we are looking for a specialist who can help us answer these questions.

If you have a keen interest and knowledge of sustainability and a desire to be involved in shaping our sustainable food production policy, you may be the right person. The job includes work on innovation and research projects as well as consulting and customer service regarding sustainable food production; environmental impact analysis, carbon footprint, resource utilization within a circular economy to name a few.

In this job you will participate in the following:

  • Work on and shape innovative and research projects in the field of sustainable food production
  • Analyze the environmental impact of food production; from fisheries and agriculture to insects and algae
  • Formulate further the company‘s environmental policy and support it‘s implementation

Competence and experience:

  • University degree that is useful for this work, e.g. environmental science, resource science, environmental engineering
  • Knowledge and experience of concepts and methodologies such as life cycle analysis (LCA), carbon footprint, circular economy
  • Good communication skills and willingness to work in a team
  • Good command English, in speech and writing. Icelandic proficiency is an advantage.
  • Initiative, organized and independent work methods

The job is without location, but Matis is located in: Reykjavík, Neskaupstaður, Vestmannaeyjar, Ísafjörður and Akureyri.

For further information, please contact Birgir Örn Smárason, birgir@matis.is

With reference to Matís’ gender equality policy, all genders are encouraged to apply. Applications must be accompanied by a detailed CV and a cover letter outlining the applicant’s qualifications for the job in question.

The application deadline is 03.03.22

News

Vinnufundur um laxeldi – skýrslan er komin út

Vinnufundur um laxeldi var haldin í húnæði Ölfus Cluster í Þorlákshöfn 27. Október 2021. Viðfangsefni fundarins voru málefni sem skipta laxeldi í sjó miklu máli og reynt að draga fram allar helstu og nýjustu lausnir á þeim sviðum.

Rætt var um fyrirbyggandi aðgerðir gegn laxalús, nýjungar í fóðurgerð þar sem nýting fóðurs er hámörkuð miðað við umhverfi fiskeldis í sjó, og seiðaeldi í stýrðum aðstæðum á landi; svo kölluð Recirculating Aquaculture Systems (RAS). Fræðimenn og sérfræðingar á þessum sviðum frá Íslandi, Færeyjum, Noregi, Danmörku og Finlandi héldu erindi um nýjustu strauma og stefnur í viðfangsefnum fundarins. Verkefnið var styrkt að AG Fisk, sem er norrænn styrktarsjóður, og stýrt af eftirfarandi vísindamönnum, sérfræðingum og eldismönnum frá öllum Norðurlöndunum.

  • Gunnar Thordarson, verkefnastjóri, Matís, Ísafirði, Íslandi
  • Björgolfur Hávardsson, NCE Seafood Innovation Cluster AS Noregi
  • Gunnvør á Norði and Jóhanna Lava Kötlum, Fiskaaling, Færeyjum
  • Kurt Buchmann, Department of Veterinary and Animal Sciences, University of Copenhagen, Frederiksberg, Danmörku
  • Henrik Henriksen, The Danish Aquaculture Organisation, Aarhus, Danmörku
  • Marko Koivuenva, Finnish Fish Farmers’ Association, Helsinki, Finlandi.

Um 60 manns sóttu fundinn sem hófst snemma morguns og stóð yfir fram eftir miðjum degi. Var mjög vel látið af erindum flytjenda sem upplýstu fundarmenn um allt það nýjasta sem er að gerast við þessi mikilvægu atriði í eldi í sjókvíum. Mikil ánægja var með flytjendur og þau erindi sem flutt voru, og mikið um spurningar og athugasemdir til þeirra.

 Vinnufundurinn var haldin í tengslum við Lagarlíf, sem er ráðstefna eldis og ræktunar á Íslandi, sem haldin var dagana 28 -29 október. Tæpt stóð að hægt væri að halda vinnufundinn og ráðstefnuna vegna sóttvarnaaðgerða, en stuttur gluggi myndaðist þó yfir þennan tíma til að halda þessar samkomur. Eins og gengur heltist fólk úr lestinni sem halda átti erindi vegna sóttkvíar, en tímalega tókst að fá aðra sérfræðinga inn til að fylla í skarðið.

Verkefnið var með tengingu inn á heimasíðu Matís og þar má nálgast öll erindi fundarins. Síðan er aðgengileg hér: Nordic Salmon.

Að fundi loknum var skrifuð skýrsla um erindi flytjenda og kynning á viðkomandi aðilum: Nordic Salmon – Skýrsla.

News

Verkefnið Krakkakropp tilnefnt til Nýsköpunarverðlauna forseta Íslands

Verkefnið Krakkakropp var tilnefnt til Nýsköpunarverðlauna forseta Íslands. Verkefnið var styrkt af Nýsköpunarsjóði námsmanna og var unnið í tengslum við verkefnið „Bætt gæði, geymsluþol og minni sóun í virðiskeðju grænmetis“ hjá Matís. Krakkakropp er tilbúinn barnamatur unninn úr íslensku grænmeti.

Verkefnið var unnið af þeim Arnkeli Arasyni, Sigrún Önnu Magnúsdóttur og Vöku Mar Valsdóttur, nemum í matvælafræði við heilbrigðisvísindasvið Háskóla Íslands. Leiðbeinandi var Ólafur Reykdal, verkefnastjóri hjá Matís.

Nýsköpunarverðlaun forseta Íslands voru veitt þann 10. febrúar sl. Verðlaunin hlaut verkefnið „Betri gjörgæslumeðferð með gagnasjá. "

Nýsköpunarverðlaun forseta Íslands eru veitt árlega þeim námsmönnum sem hafa unnið framúrskarandi starf við úrlausn verkefnis sem styrkt var af Nýsköpunarsjóði námsmanna sumarið áður. 

Krakkakropp var meðal 6 verkefna sem tilnefnd voru til verðlaunanna og hlutu sérstaka viðurkenningu. Það telst mjög góður árangur þar sem fjöldi verkefna kom til greina. Þá hafa nemendur í kjölfar verkefnisins nú stofnað fyrirtækið Sifmar ehf. Fyrirtækið hefur einnig hlotið fleiri styrki, nemendur tekið þátt í viðskipta-og markaðshröðlum og hefur Landsvirkjun fjárfest í fyrirtækinu.

Vaka Mar Valsdóttir, Sigrún Anna Magnúsdóttir og Arnkell Arason taka við viðurkenningum fyrir öndvegisverkefnið „Krakkakropp.“ Ljósmynd / Arnar Valdimarsson.

Nánari upplýsingar um verkefnið:

Krakkakreistur og Krakkakropp: Íslenskur barnamatur.

Verkefnið var unnið af Vöku Mar Valsdóttur, Sigrúnu Önnu Magnúsdóttur og Arnkeli Arasyni, nemum í matvælafræði við heilbrigðisvísindasvið Háskóla Íslands. Leiðbeinandi var Ólafur Reykdal verkefnastjóri hjá Matís. Kveikjan að verkefninu var stórt gat á markaði, en sem stendur er enginn tilbúinn íslenskur barnamatur fáanlegur. Á sama tíma hleypur innflutningur á erlendum barnamat árlega á hundruðum tonna.

Á Íslandi er til staðar græn orka, unnin með sjálfbærum hætti, hreint vatn, framúrskarandi hráefni og hverfandi notkun varnarefna við grænmetisframleiðslu. Því höfum við á Íslandi fulla burði til þess að framleiða góðan og heilsusamlegan barnamat fyrir börnin okkar.

Hugsjón nemenda var sameiginleg að nýta reynslu sína úr námi til þess að þróa frumgerðir af íslenskum barnamat sem framleiða mætti á ábyrgan hátt með umhverfissjónarmið og hollustu í fyrirrúmi. Lýðheilsa barna er brýnt vandamál en u.þ.b. fjórðungur íslenskra barna mælist yfir kjörþyngd. Mikilvægt er því að bregðast við með hollum og hentugum lausnum fyrir barnafjölskyldur. Þá hefur matarsóun gríðarlega mikil áhrif á loftslagsbreytingar, en um 45% grænmetis heimsins er talið fara spillis. Í samstarfi við Sölufélag garðyrkjumanna þróuðu nemendur barnamat úr m.a. grænmeti sem ýmist er of smátt, of stórt, bogið eða brotið. Slíkt grænmeti myndi ekki nýtast í hefðbundnar söluvörur en er að öðru leyti í fullkomnum gæðum og því tilvalið til framleiðslu á maukuðum og þurrkuðum barnamat.

Að verkefni loknu stóðu eftir fimm frumgerðir af Krakkakreistum – hentugum barnamat í pokum og þrjár frumgerðir af Krakkakroppi – barnanasli sem bráðnar í munni.

Þá hafa nemendur í kjölfar verkefnisins nú stofnað fyrirtækið Sifmar ehf. Fyrirtækið hefur einnig hlotið fleiri styrki, nemendur tekið þátt í viðskipta-og markaðshröðlum og hefur Landsvirkjun fjárfest í fyrirtækinu. Á döfinni hjá Sifmar ehf. er áframhaldandi fjármögnunarferli svo bjóða megi upp á öruggari og umhverfisvænni framleiðslu hér á landi.

Það má því með sanni segja að íslensk framleiðsla, sjálfbærni, lýðheilsa barna, spornun gegn matarsóun, jákvæð umhverfisáhrif, landbúnaður og tækniþróun séu allt málefni sem verkefnið snertir og helst í hendur við heimsmarkmið Sameinuðu þjóðanna.

en_GBEnglish